web counter
LEXO PA REKLAMA!

SHKARKO APP

App Store
Google Play

Vonesat në ndërtimin e rrugëve/ Balla: Do ndryshojmë mënyrën e lidhjes së kontratave

23 Shtator 2017, 12:57, Aktualitet CNA

I shoqëruar nga kryetari i Bashkisë së Elbasanit, kreu i Grupit Parlamentar të Partisë Socialiste, Taulant Balla ka zhvilluar ditën e sotme një takim me banorët e fshatit Broshkës, lidhur me shqetësimin e ngritur nga këta banorë për sa i përket ndërtimit të urës në lumin Shkumbin.

Kjo urë bën të mundur lidhjen e këtij fshati me pjesën tjetër të Njësisë Administrative dhe me aksin nacional Elbasan- Peqin, por edhe pse ura ka nisur para një viti, ajo ende nuk është përfunduar, duke kaluar çdo afat të vendosur.

Balla ka deklaruar se qeveria do të adresohet për të ndryshuar tërësisht mënyrën e lidhjes së kontratave, për mënyrën e tenderimit të objekteve të rëndësishme, sepse çdo objekt e ka një afat dhe tejkalimi i këtij afati është në dëm, qoftë të cilësisë së punimeve, sepse nuk mund të bësh një këmbë ure sot dhe një pas 6 muajsh dhe sa të bëhet këmba e fundit, e para është rrëzuar.

Sipas Bashës, qeveria ka marrë të gjitha të garancitë e nevojshme nga kompani e cila ka marrë projektin për ndërtimin e urës, duke thënë se 31 tetori do të jetë afati i fundit për dorëzimin e projektit.

Gjithashtu edhe kreu i Bashkisë së Elbasanit, Qazim Sejdini, tha se në këtë zonë janë edhe dy ura të tjera, të cilat priten të përfundojnë së shpejti./ CityNews





Lajmet e fundit nga