web counter
LEXO PA REKLAMA!

SHKARKO APP

App Store
Google Play

E fundit!

x

Këshilltari i presidentit Meta, spiun i Sigurimit të Shtetit/ E ka zbuluar Spartak Braho  

23 Shtator 2017, 11:42, Aktualitet CNA

Megjithse partia e presidentit në detyrë,  Ilir Meta, së bashku me socialistët kanë qenë akuzuesit kryesor të Gjeneralit Piro Ahmetaj, ish këshilltar ushtarak i ish presidentit Nishani, kjo nuk e ka ndalur Metën që ta rikthejë atë sërish në detyrë.

Rikthimi i tij në stafin e Metës është konfirmuar edhe nga presidenca, burimet e të cilës nuk pranuan të komentojnë më tej,për CityNews, rreth disa pikëpyetjeve që ngre ky emërim. Ku më kryesorja lidhet me faktin se si ka mundësi që edhe pse, në kohën kur LSI e ka akuzuar publikisht Gjeneral Ahmetin si bashkëpunëtor të ish shërbimit sekret komunist të njohur si Sigurimi i Shtetit, kryetari i kësaj force Ilir Meta, është po ky i fundit që e bën atë pjesë të kabinetit.

Megjithse përgjigja e presidencës lidhur me pyetjen e qënies apo mosqënies së Ahmetajt spiun ka qenë mohuese, fakt është se i përfshirë në debatin e një viti më parë rreth akuzave që shpunë në dorëheqjen e Ahmetajt, krahas ish deputetit socialist Arben Çuko, akuzues i tij ka qenë edhe Spartak Braho.

Braho në atë kohë ishte funksionar i lartë i LSI, por edhe kryesues i Komisionit të Sigurisë Kombëtare. Madje Braho kaloi edhe më tej kur e dekonspiroi pseudonimin e Gjeralit, që sipas tij ishte ?Shkodrani?.

?Lidhjet me Sigurimin e Shtetit të z.Piro i ka ditur mirë Safet Zhulali, i cili ka pasur rastin të trajtojë ?Shkodranin?, kur ishte ministër i Mbrojtjes?, ka qenë artikulimi i z. Braho një vit më parë, i shoqëruar edhe me shumë vlerësime të tjera rreth psikikës jo normale që e karakterizon Gjeneralin e që atij ja kish referuar një mjek psikiatër, mik i tij.

Në kontekst të lajmit se një person i tillë është rikthyer në detyrë nga presidenti Ilir Meta, pyetja që ngrihet natyrshëm është:Kë duhet të besojmë vlerësimin e një viti më parë të LSI bërë për Gjeneral Ahmetin, apo veprimin e fundit të Ilir Metës, që në atë kohë ishte kryetar i LSI dhe ka miratuar gjithçka të thenë nga Spartak Braho ,e që sot president hedh poshtë gjithçka?/ CityNews





Lajmet e fundit nga