web counter
LEXO PA REKLAMA!

SHKARKO APP

App Store
Google Play

Përgjimet në PD/ Endira Bushati përplaset me Alfred Lelën: Jep përgënjeshtrimin ose shkon në gjyq!

22 Shtator 2017, 17:23, Aktualitet CNA

Anëtarja e kryesisë së Partisë Demokratike Endira Bushati ka reaguar ashpër rreth një shkrimi të portalit Politiko të Alfred Lelës ku ky i fundit shkruan se ka qenë Bushati ajo që ka përgjuar mbledhjen e kryesisë së PD-së.

Bushati i drejtohet Lelës në gjininë femërore dhe shkruan se nuk ka përtuar të merret me Top Channel dhe Klanin bashkë në kohën kur shefi i tij kishte frikë të merrej.

Kujtojmë që Lela është pronari i një portali periferik të mediave që sponsorizohet nga njerëzit e afërt të Lulzim Bashës për të ndjekur linjën e tij politike:

REAGIMI I BUSHATIT I PLOTË

Sqarim:

Po lexoj që një portal i quajtur “Politiko” paska shkruar se unë kam përgjuar mbledhjen e mbrëmshme të Kryesisë.

Ky soj portali u drejtoka nga njëri me emrin Alfred Lela…

Së pari: Kur unë flas në media, në kryesi, në facebook, flas vetëm në emrin tim dhe nuk i shërbej asnjërit që tenton të përdorë qëndrimin tim publik ndaj Bashës për emocionet e veta të protagonizmit politik!

Së dyti: UNË NUK KAM PËRGJUAR E AS REGJISTRUAR MBLEDHJEN E KRYESISË, DHE AS MË SHKON MENDJA TA BËJ NDONJËHERË KËTË GJË, SEPSE UNË QËNDRIMIN TIM E KAM TË QARTË E TË PRERË NË LIDHJE ME ÇËSHTJEN!

MADJE MADJE DHE VETË, FJALËN TIME E PASHË TË QARKULLONTE NË MEDIA SOT NË MËNGJES!

Ndaj, i bëj thirrje urgjentisht këtij portali të japë menjëherë përgënjështrimin tim, siç e deryron ligji, përndryshe do të depozitoj që të hënën padi për shkaktim dëmi në gjykatë!

Ky lajm, ka 2 mundësi si mund të jetë prodhuar:

Duhet të shpëtojmë Partinë Demokratike nga ky soj servilësh që opozitën e konsiderojnë biznes!

Në radhë të parë, për vendin!

(P.S. I kujtoj kësaj Lelës që unë nuk kam “përtuar” të merrem me Top Channelin e Klanin bashkë, edhe atëherë kur shefi i tij kishte frikë të merrej!) /Citynews





Lajmet e fundit nga