web counter
LEXO PA REKLAMA!

SHKARKO APP

App Store
Google Play

 Vetingu/ Nis “sita” e dytë e verifikimit të pasurive të gjyqtarëve dhe prokurorëve

22 Shtator 2017, 16:35, Aktualitet CNA

Kalimi për të dytën herë në sitë i pasurive të gjyqtarëve dhe prokurorëve është hapi më i fundit i institucioneve të angazhuara me këtë proces.

Sikurse kanë bërë të ditur burime pranë Komisionit të Kualifikimit, të cituara nga ?Sot?, sita e dytë e verifikimit erdhi si nevojë e pasjes të sa më shumë informacioneve  të detajuara në mënyrë që të kemi një verdikt sa më të drejtë të procesit të vetingut.

Në projektvendimin që Komisioni i Kualifikimit ka dërguar në Kuvend për strukturën e tij deklarohet se, në këtë fazë të dytë do të ketë një staf të posaçëm, cilësisht më të lartë se i mëparëshmi, i cili do të merret me verifikimin e plotë  të pasurive dhe zbulimin e të dhënave korruptive. Bëhet fjalë për fusha të tilla të kontrollit si shlyerja e taksave e faturave, duke vazhduar më tej me shlyerjen apo jo të të gjitha detyrimeve të tjera ndaj shtetit të personave të drejtësisë.

Sipas raportimit në këtë sipërmarrje të dytë pjesë verifikuese e pasurive të gjyqtarëve  e prokurorëve  do të jetë edhe Kolegji i Apelimit, i cili do të shqyrtojë ankimet e paraqitura ndaj vendimeve të Komisionit të Pavarur të Kualifikimit, si dhe kërkesat e paraqitura nga subjektet që legjitimohen në kuadër të juridiksionit disiplinor./CityNews





Lajmet e fundit nga