web counter
LEXO PA REKLAMA!

SHKARKO APP

App Store
Google Play

E fundit!

x

I’u sekuestruan 600 mijë $/ Kush janë 2 bosat të cilëve i’u morën paratë

22 Shtator 2017, 14:26, Aktualitet CNA

Ylli Didani dhe Donald Shena janë personat që ditën e djeshme u janë sekuestruar 660 mijë dollarë. Të  dy këta shtetas janë me nënshtetësi amerikane dhe dyshohet se këto para janë krijuar nga aktivitete kriminale.

Shena është biznesmen dhe kompania ku ai zotëron 34% të aksioneve, negocioi dy vite më parë për të ndërtuar Aeroportin Ndërkombëtar të Sarandës. Sipas burimeve nga organi i akuzës biznesmenit ju sekuestruan 200 mijë dollarë.

Organet e policisë dyshojnë se Shena nëpërmjet kompanisë që sipas policisë mund të jetë fantazëm, do të pastronte para të cilat dyshohen të kenë ardhur nga aktivitete kriminale.

Edhe ndaj shtetasit Ylli Didani dyshimet janë të njëjta, Didanit i janë sekuestruar 460 mijë dollarë. Ky shtetas më herët ka qenë i arrestuar në kryeqytet për kundërshtim të efektivëve të policisë, sipas një njoftimi zyrtar të datës 14 prill 2015.

Një person tjetër që gjithashtu ju sekuestrua pasuria është edhe Ardian Corri.

40-vjecari ka si pasuri një apartament 100 m2 dhe një dyqan me 80 m2. Corri ka qenë I dënuar në 2008 nga Gjykata e Krimeve të Rënda me 11 vite burg, pasi kishte rol kryesor në dërgimin e emigrantëve me gomone ose në rrugë tokësore jashtë territorit shqiptar.

Policia e Shtetit vijon me sekuestrime të pasurive që dyshohet të jenë krijuar nga aktivitete të paligjshme. /Citynews





Lajmet e fundit nga