web counter
LEXO PA REKLAMA!

SHKARKO APP

App Store
Google Play

Presidenti mbledh KLD/ Ja cfarë u diskutua

22 Shtator 2017, 12:55, Aktualitet CNA

Nën drejtimin e kryetarit Ilir Meta, njëherësh dhe  presidenti i vendit është mbledhur paraditen e sotme Këshilli i Lartë i Drejtësisë, i cili ka nisur me diskutimin formal të informacionit të paraqitur në lidhje me takimin e zhvilluar nga Kryeinspektori dhe Sekretari i Përgjithshëm i KLD-së, me Komisionin e Pavarur të Kualifikimit.

Pas analizimit të informacionit, anëtarët shprehën vullnetin e KLD-së, për të bashkëpunuar më të gjithë Institucionet shqiptare dhe partnerët ndërkombëtare, që kanë asistuar në procesin e Reformës në Drejtësi.

Presidenti i Republikës, Ilir Meta, theksoi se KLD dhe inspektorati i saj do të përmbushin të gjitha detyrimet që do i ngarkohen nga ky proces. KLD vendosi të ngrejë një grup pune prej 4 anëtarësh për të rakorduar qëndrimet më institucionet që merren me procesin e rivlerësimit kalimtar të gjyqtarëve, përfshi edhe miratimin e akteve të përbashkëta. Ata do të rakordojnë dhe bashkëpunojnë në mënyrë të përhershme lidhur me ecurinë e procesit dhe problematikat.

Në përbërje të grupit do jetë: Vangjel Kosta, zgjedhur nga Kuvendi, Gerd Hoxha, zgjedhur nga Konferenca Gjyqësore, Neritan Cena, zgjedhur nga Konferenca Gjyqësore dhe një përfaqësues nga Ministria e Drejtësisë.

Në përfundim të këtij shqyrtimi, Këshilli miratoi aktet e Vlerësimit për 15 gjyqtarë. Gjithashtu Këshilli vendosi delegimin e disa gjyqtarëve në shqyrtimin e çështjeve të caktuara gjyqësore, në gjykata të tjera nga ku ata janë emëruar për të ushtruar funksionin e gjyqtarit.





Lajmet e fundit nga