Valbona Mezini sqaron incidentin në PD/ Guxova të flas dhe m’u turrën ata që i heqin qimen kryetarit nga xhaketa

22 Shtator 2017, 14:28, Aktualitet CNA

Anëtarja e kryesisë së PD-së Valbona Mezini, një nga kundërshtaret e Lulzim Bashës ka sqaruar opinionin publik për atë që ndodhi dje në mbledhjen e kryesisë së kësaj force politike.

Mezini shkruan se guxoi të flasë dhe u bë pre e atyre që i heqin qimen kryetarit nga xhaketa.

Kujtojmë se nga mbledhja e djeshme pati një reagim të fortë të Jemin Gjanës pas fjalës së saj dhe madje një tentativë të tij për ta goditur Mezinin.

REAGIMI I PLOTË

“situata te tilla shfaqen vetem ku mungon legjitimiteti i kryetarit.”

Te nderuar kolege, gazetare , dhe qytetare.

Duke ju falenderuar per te gjitha mesazhet tuaja dhe interesin qe treguat ne kohe reale dhe me pas, per te ndare me mua momentet e veshtira ne nje nga mbledhjet me te mira te kryesise qe Partia Demokratike ka zhvilluar ndonjehere, ju shpreh mirenjohjen secilit prej jush. Interesi juaj ishte shume I madh, per te mesuar te verteten dhe une e cmoj kete interes jo per Valbonen, por per merakun e madh qe ju deshmuat se I gjendeni prane Partise Demokratike ne keto dite te veshtira ku me shume se kurre ajo ka nevoje te ringrihet permes se vertetes, asaj te vertete qe do ti sherbeje asaj dhe strukturave per tu ndare njehere e pergjithemone nga disfata dhe asfiksimi I mendimit te lire.

Po zgjedh te flas me gjuhen e thjeshte per t?iu drejtuar qytetareve demokrate dhe jo vetem, gjithe qytetareve shqiptare qe duan nje Shqiperi ku mbizoteron mentaliteti gjitheperfshires per te bere pune te mira dhe meritokracia, e jo pazari per suksesin. Nje Shqiperi ku nuk eshte turp te mendosh ndryshe, dhe qe duhet te rendesh apo vraposh per te mesuar te verteten e per ta thene ate publikisht.

Mungesa e njohjes se te vertetes dhe aq me keq fshehja qellimisht e saj kultivon totalitarizmin dhe diktaturen, per te mos thene se sjell moden e retrospektivave ku strukturat politike ishin prone e familjeve mafioze. Nese nuk je njeri prej nesh, je njeri prej tyre dhe hiqesh qafe.

Kete nuk do te doja ta lejoja me cdo çmim, kudo ku me jepet mundesia te perfaqesoj interesin publik, edhe ne shtepine tone Partine Demokratike. Kam moralin te artikuloj nevojen imediate qe ka demokratizimi I mendimit ne partine time, ne partine tone si dhe demokratizimi i strukturave te saj.

Kete moral do ta kem derisa te kem fryme.

Ky eshte morali qe duhet te na ndaje nga gabimet tona, nga verberia dhe servilizmi per te rendur pas kryetareve qe t?iu heqim qimen nga xhaketa.

Brezi i ri ka ekzigjencen te mendoje per me mire. Ka instiktin te mendoje per me larg. Lereni rinine te mendoje dhe flase, qofte edhe gabim, ate le ta gjykoje koha. Ne pikerisht se heshtem jemi ne kete humbje, madje ngaqe heshtem vuajten 50 vjet diktaturen. Une jam pasardhese e nje prej patrioteve te Vlores te pushkatuar pa gjyq pikerisht sepse foli dhe tha se ylli nuk eshte i flamurit kombetar.

Sot me turren se guxova te mendoj dhe flas. Historia perseritet por une nuk dua ta lejoj qe kjo te ndodhe ne partine tone. Ringritja vjen permes besimit dhe besimi duhet mbjelle per t?u korrur dhe kete ne PD duhet ta bejne te gjithe bashke te vjeter, e te rinj. Perndryshe ky diell nuk do te ngrohe me dhe ky vend do te jete streha e batakcinjve.

Valbona MEZINI /Citynews