web counter
LEXO PA REKLAMA!

SHKARKO APP

App Store
Google Play

Vazhdon sezoni turistik në Durrës/ Porti plot me krociera dhe veliera

5 Shtator 2017, 17:11, Aktualitet CNA

Tashmë në javën e parë të shtatorit në plazhin e Durrësit nuk gjen më këmbë turisti të huaj përfshi edhe shqiptarë të diasporës apo të Ballkanit. Mungesa e pushuesve në plazh, gjithsesi nuk do të thotë se ka mbaruar sezoni turistik në Durrës.

Tashmë turizmi patriotik është pakësuar shumë gjë, që po ndihet nga hotelet e vegjël në plazh dhe personat, që japing dhoma me qera. Në të njejtën kohë po zhvillohet me shpejtësi një lloj i ri turizmi ai i turistëve relativisht të pasur, që vinë me krociera. Ky lloj turizmi, ndonëse një ditor ka anën e vet pozitive se e fillon sezonin turistik në Durrës në prill dhe e zgjat deri në fillim të nëntorit.

Turizmi i krocierave është një tregues, që industria e turizmit në Shqipëri gradualisht, por pa u ndalur, po kalon në një stad të ri e më të lartë zhvillimi. Ky lloj turizmi e shpërndan më mirë paranë e fituar, që nga operatorët privatë në port (agjensi detare, omerxhatorë, pilotë, kompani e mjeteve detare, kompani pastrimi portual etj.) e deri te kompanitë turistike shqiptare, që ofrojnë autobuzët, guidat etj. Shteti po ashtu merr pjesën e vet të të ardhurave si nga taksat portuale, që paguajnë krocierat ashtu edhe nga tatimet, që merr nga operatorët privatë, të cilët i shërbejnë këtij lloj turizmi.

Sot më 5 shtator në Durrës po qëndrojnë një anije turistike krocierë dhe një anije turistike velierë. Krociera ?Sirena? ka zbarkuar sot në Durrës 641 turistë prej të cilëve amerikanë janë 343, ndërsa pjesa tjetër u përkasin 24 vendeve të ndryshme të botës. Krociera ?Sirena? mbërriti në Durrës nga Korfuzi e më pas do lundrojë drejt Kotorrit në Mal të Zi. Një dyzinë me autobuzë turistikë do t?i dërgojnë turistët e kësaj krociere për të vizituar Krujën dhe Beratin.

Veliera ?Sea Cloud? po sot zbarkoi në Durrës 60 turistë. Ajo mbërriti në Durrës nga Saranda dhe do vazhdojë lundrimin drejt Kotorrit. Kjo velierë do vijë përsëri në Durrës pas 10 ditësh, duke u shndërruar kështu në një linjë të qëndrueshme velierash turistike./GJERGJ THANASI





Lajmet e fundit nga