E fundit!

15:42 Aktualitet

Protestuesit para selive/ Balla: Kush qëndron pas tyre e ka gabim, mund të çojnë në vëlla-përplasje

Kreu i grupit të Partisë Socialiste Taulant Balla ka kriti...

"Shpërthen" Artan Fuga/Ç'kanë drejtorët e "Mapos" me mua?! Henri Çili i ka yshtur të jenë ...!

5 Shtator 2017, 15:34, Aktualitet CNA

Akademiku Artan Fuga ka shpërthyer me tone të ashpra ndaj botuesit Henri Çili, në lidhje me debatin mbi zgjedhjen e kreut të ri të Akademisë së Shkencave.

Profesor Fuga i është përgjigjur Çilit, pas një editoriali të publikuar sot në gazetën e tij ?Mapo?, mbi këtë debat, ku e quante modelin e propozuar prej tij si sovjetik.

Në përgjigjen e tij, Fuga shkruan se nuk ka propozuar ende në publik modelin siç e mendon ai.

Shkrimi i plotë:

“Kakarisjet” editorialiste të Mapos
———————————
Pasi e lexova editorialin e sotëm të gazetës periferike Mapo, që unë e kam thënë edhe po të isha në një qeli, duke vdek nga mërzia nuk do ta lexoja, vendosa të mos përgjigjem, aq i dobët është shkencërisht, aq konfuz është, aq manipules te tjetërsimet e deklaratave të mia, ku ende nuk kam shpallur se cfarë kuptoj me një Akademi Shkencas efikase; nuk di editorialisti as lidhjen mes rregjimeve totalitare dhe racionalitetit teknologjik, si duket nuk i njeh fare studimet në këtë fushë, e kotë t’i kërkosh të dijë për Shkollën e Frankfurtit, a gjë tjetër! Ngatërron ditë e natë një institut shkencor me një Akademi Shkencash, o Zot si e merr pendën dhe shkruan. Por, është i detyruar, Henri Cili, shumëfish pronari i tij, e ka yshtur të jetë edhe pedagog, edhe drejtor i gazetës periferike Mapo, edhe editorialist dhe të bëjë pamflete për aktualitetin.
Editorialisti i Mapo-UET-it e quan modelin e propozuar nga unë si sovjetik, ndërkohë që unë akoma nuk kam propozuar në publik modelin sikurse e mendoj unë!
Cfarë kanë këta drejtorët e Mapos kështu me mua ! ? Vijnë, hedhin guriçka nga penxheret e Mapos, dhe ikin ose i përzënë!
Iljazaj po i kalon shpejt këto faza : emërim, dalje te Opinioni, sulme Fugës, ikje! Je në fazën e tretë! Po afrohet e katërta!
Eshtë pedagog i ri Iljazaj, nuk më takon ta cmotivoj, por ka kohë që e shoh se ka hyrë në një rrugë pa krye, jo për faj të tij. Mos bëjë detyrën si pamfletist editorialist rrezikon vendin e drejtorit të Mapos, si zoti Lela, të iki si drejtor rrezikon edhe vendin e pedagogut, po si z. Lela. Kur nuk duruan atje luanë si Zheji e Lela, Iljazaj e shoh me pesimizëm karrierën tënde futur në një trekëndësh bermudian!
Nuk kanë të drejta profesionale dhe staturore moderne pedagogët privatë, as gazetarët! Kjo është puna!
Kujdes z. Iljazaj, nuk ja vlen të më sillesh mua duke gjuajtur guriçka nga penxheret e Mapos, jo për mua, se jam mësuar, por se sikurse shkruante Niçja : Me thuaj një gjë, cfarëdo, të kuptoj se kush je!
Më ke zhgënjyer me nivelin shkencor që manifeston. Asnjë doktorant i universitetit të Tiranës nuk i lejohet ta ketë! Të paktën ata që punojnë me mua!
Për këtë këshillë miqësore që të jap mos të të vijë keq, mos bërtit e mos këlthit, nuk të gjen asgjë nga unë, as të njoh e as të di, më vjen keq thjesht për nivelin e editorialit tënd të sotëm me një numur të vogël fjalësh kyce, varfëri pa fund si liberal, sovjetik, e më the e të thashë. Si fjalori i dikujt që më vjen ndërmend kaloj buzë Lanës!
Terma pa përcaktim. Me habit fare e më plandosi në kolltukun e punës kur lexova se editorialisti pedagog barazonte kontratën agjenci shkencore – agjenci publike në modelin ekskluziv të financimit me punë rrogash.
Kur përfitimin nga buxhetet publike kundrejt kontratës për shërbime, e trajton pedagogu-editorialist, në parim, universalisht, si mjet presioni i pushtetit mbi mediat, shkencën, kulturën. Sepse nuk e njeh editorialisti – drejtor – pedagog shpërndarjen automatike dhe neutrale të fondeve nga agjencitë publike.
Sepse aty te ti publikja dhe shtetërorja kuptohet se janë nji.
As gazetari nuk di të bëjë, fatkeqësisht, më dhëmb, sigurisht është mjeshtri dhe kërkon profesionalizëm gazetaria. Kërkon studime. Edhe ndokush që i braktis studimet vitin e fundit dhe ikën në drejtim të paditur as ai nuk ka tagër të thotë se di të bëj gazetari. Thotë editorialisti – pedagog i Mapos, dhe gënjen pa turp se unë kërkoj të ndërroj akademikët e këqinj me të mirët!!!
Ku e kam thënë, pa më cito pak o djalkë drejtor? Përse shpif? Sepse nuk e njeh parimin e saktësisë, prandaj!
M’u kujtua PBS amerikan që është i detyruar të subvencionojë me qindra e qindra milona dollare mediat private, vendet skandinave ku mediat private marrin fonde vetëm po të jenë kritike me qeverinë, lëre Italinë, vendet nordike, Francën, Gjermaninë.
O sovjetiku i vogël!
Mos harro se ata që nuk merr më M.E.T.I. i merr uet-i, por këtë njëherë tjetër!
Edhe pse totalitar ai modeli sovjetik i shkencës që unë nuk e honeps, prodhoi Gagarinin, energjinë atomike, ne nuk jemi as atje! Por, ti as historinë e shkencës dhe të zhvillimit teknologjik nuk e njeh. Njeh vetëm skema ideologjike bardh e zi si propagandist, editorialist, pamfletist, jo si pedagog.
Lëre, lëre, cfarë zhgënimi!/CityNews