Nga Artur AJAZI/Cilin do të bllokojë Luli në 9 shtator?

5 Shtator 2017, 15:55, Aktualitet CNA

Më në fund Luli ka vendosur të bëjë ?opozitë të fortë?, dhe kërkon ta nisë nga bllokadat, duke kërkuar largimin e dy eksponentëve të vjetër të socialistëve, pasi mendon se ?ata janë trashëgimtarët e komunizmit?. Madje Luli, e ka ngritur si ?problem? këtë edhe në mbledhjen e rradhës së Asamblesë së Partive Popullore Europiane (PPE) ku ai ka vajtur me cilësinë e kryetarit të ri të PD. Para Asamblesë Luli ka bërë një pasqyrë të zhvillimeve politike në vend dhe ka treguar para politikanëve të djathtë europianë edhe ?vizionin e tij për të ardhmen e PD? dhe të opozitës. Atje Luli ka theksuar edhe ?rëndësinë që ka për opozitën dhe vetë demokracinë në Shqipëri reformimi i sistemit zgjedhor, për t?i dhënë fund përgjithmonë historisë së manipulimit të zgjedhjeve?.

Kaq mjafton të lexosh ç?ka ka deklaruar Luli në PPE, dhe të mendosh sa hipokrit është ish-kryetari që dy muaj më parë u vetëngri për zgjedhjet e lira, sa mashtrues është ai që pretendon se përfaqëson ?kreun e opozitës? në Shqipëri, kur realisht ai nuk përfaqëson më prej 22 korrikut 2017 as interesat e vetë demokratëve, dhe së fundi edhe interesat e shtresës së të persekutuarve politikë. Luli mbetet sa mosbesues, aq edhe qesharak kur guxon të flasë para Asamblesë së PPE për të djathtën, kur ai nuk përfaqëson asnjë prej tyre. Luli bëhet mosbesues dhe intrigues kur flet para PPE për ?vizionin e të ardhmes së PD? kur ka shkelur me këmbë gjithçka me vlerë që ka ajo parti, kur ka humbur zgjedhjet dhe ka rrëmbyer me manipulime postin e kryetarit, apo kur deklaron se përfaqëson opozitën në Shqipëri.

Vajtja e Lulit në Kopenhagen, kërkoi tu mbushë mëndjen delegatëve të Asamblesë së PPE mbi normalitetin e munguar institucional në të cilin gjendet prej 4 vitesh Partia Demokratike, mbi akuzat dhe denoncimet ndaj tij të eksponentëve, të bazës dhe kontribuesve mbi metodat e vjetëruara të drejtimit të partisë, dhe deri tek kontratat e fshehta që ai ka firmosur mesnatën e 17 majit me Ramën kryeministër. Realisht PD nuk shihet si opozitë reale në Kuvendin e ri pas 9 shtatorit. Kjo situatë duket se ka nisur ti dobësojë realisht pozitat e Lulit, edhe pse në xhep ai prej 22 korrikut ka mandatin e ri të kryetarit të vjetër. Duke humbur terren, Luli ka nisur ti trembet shumë LSI së Kryemadhit, e cila deklaron se ?ajo do të jetë opozita e vetme dhe më e ashpra në Kuvendin e ri?.

Ashtu siç drejtoi PD në 4 vjet dhe ?çadrën e lirisë? në 4 muaj, Luli qysh tani ka dështuar edhe me misionin e të bërit opozitë, dhe e vetmja shpikje e tij së fundi është ?bllokimi i punimeve të Kuvendit të ri në 9 shtator? me pretendimin se ?do të bllokojmë emërimin e Ruçit dhe Xhafajt si trashëgimtarë të komunizmit?. Sa qesharake aq edhe i vjetëruar si veprim politik. Askush në këtë vend nuk e beson më Lulin, askush nuk e dëgjon më Lulin, askush nuk e ndjek më Lulin, veç një grupi servilësh, të ardhur nga listat e tij, që kur atë ditë fituan si deputetë, nuk lanë roje parkingu pa qerasur me sufllaqe dhe coca-cola.

Pavarsisht se tenton të rifitojë besimin dhe pozicionin e dikurshëm të ?liderit? duke lajmëruar se ?në 9 shtator bllokojmë Kuvendin?, sinqerisht dua ta pyes Lulin, cilin do të bllokosh, sepse Ruçi dhe Xhafaj janë Rama ? Zëra brënda PD thonë se ?Luli po kërkon ti ngjasë Berishës me aksione të tilla, por që në fakt kanë më tepër ngjyrime debatikase, fëminore, se politike dhe opozitare?. Luli nuk e bllokon dot Kuvendin e ri, as seancën e parë të Kuvendit të ri, sepse Kuvendi i ri është legjitim, kurse ai jo. Ai thjesht është një kryetar i vetëngrirë, i vetëshpallur, dhe i tillë do të mbetet në PD, nga e cila mori shumë, dhe nuk dha asgjë./CityNews