web counter
LEXO PA REKLAMA!

SHKARKO APP

U denoncua në emisionin “Stop”/Arrestohet administratori i një shoqërie punësimi (Emri)

5 Shtator 2017, 16:01, Aktualitet CNA

Policia e Tiranës ka ndaluar sot një 34-vjeçar të akuzuar për korrupsion pasiv në sektorin privat. Arrestimi i shtetasit Miratim Mezini, banues në Tiranës, është bërë pas videos së publikuar mbrëmjen e kaluar në emisionin ?Stop? të televizionit Klan.

Ndalimi i tij është bërë pasi ky shtetas me detyrë administrator i një shoqërie punësimi, duke i marrë një shumë prej 320 euro një shtetasi e ka pajisur atë me certifikatë trajnimi për përfundimin e kursit profesional, ndërkohë që nuk i është nënshtruar testimit teorik dhe praktik.

Nga hetimet e kryera rezulton se certifikata e lëshuar nuk është pasqyruar në rregjistrat e amzës.
Janë sekuestruar në cilësinë e provës materiale:

– 70 certifikata kursi profesional.
– 2 rregjistra Amze.

Materialet iu Referuan Prokurorisë së Rrethit Gjyqësor Tiranë, në ngarkim të shtetasit të lartpërmendur për veprat penale ” Korrupsion pasiv në sektorin privat ” dhe ” Fallsifikimi i dokumentave “, parashikuar nga nenet 164/b dhe 186 të Kodit Penal./CityNews





Lajmet e fundit nga