Si shpëtoi Tritan Shehu nga pengmarrja e lushnjarëve

5 Shtator 2017, 18:25, Aktualitet CNA

Ish ministërzvendëskryeministri Tritan Shehu, i zenë peng prej lushnjarëve të revoltuar nga humbja e depozitave në firmën piramidale të Rrapush Xhaferrit nuk mundi të arratisej. Megjithse i ndihmuar nga grupi i të fortëve dhe trupa ruajtëse e tij, tentativa për të shpëtuar kishte dështuar dhe helikopteri që e priste në fushën e futbollit u ngrit e iku pa i marrë dot, nga që turma e irrituar derdhi mbi të gurë e sende të tjera. Po më tej? Ja si e përshkruan gazetari Xhovani Shyti, në librin e tij: ?Ditët e frikëshme të vitit ?97?:

?Ngujimi i grupit që kishte marrë nën mbrojtje Tritan Shehun vazhdoi për orë me rradhë, gjer në momentin kur pas ngritjes së helikopterit të parë, një tjetër helikopter ushtarak i mbushur me një grup të Forcave Speciale të Ndërhyrjes së Shpejtë, tentoi tu vinte në ndihmë. Pjesëtarët e këtyre forcave u përpoqën të evakuonin njerëzit e rrethuar, duke vepruar me shpejtësi dhe përpikmëri. Ata krijuan një korridor me skafandra, mbuluan me trupat e tyre ministërzvendëskryeministrin, por furia e gurëve të ardhur ishte e papërballueshme dhe, pas pak, edhe vetë këta u bën viktima të dhunës ekstreme. I rrahën, i çarmatosën, i zhveshën dhe i detyruan të largoheshin në këmbë rrugëve të qytetit.

Ministërzvendëskryeministri u detyrua të futej edhe njëherë në bazen e tij të sigurisë, gjithë nën mbrojtjen e grupit të të fortëve të qytetit. Vetëm pasi ra muzgu rrethuesit e shtuar shumë në numër, të mërzitur e të raskapitur nga pritja, u larguan nëpër shtëpi kështu që Tritan Shehu, së bashku me grupin e shoqëruesve, mundi të largohej me anë të një veture private, që i priste në një rrugicë…?.

Mirëpo si e komentoi gjithë këtë takim me lushnjarët e rebeluar vetë Tritan Shehu, pasi mbriti në Tiranë? I dalë në ekranin e TVSH, në edicionin e fundit të lajmeve, ai vlerësoi… ( Vijon pjesa e fundit)

* Fragmenti i mësipërm është eksluzivitet i CityNews. Botohet me leje të autorit. Nëse jeni i interesuar për ta blerë, librin e gjeni tek libraritë ? Adrion?, pranë Pallatit të Kulturës dhe ?Book Story? në qendrën tregtare TEG.