web counter
LEXO PA REKLAMA!

SHKARKO APP

App Store
Google Play

E fundit!

x

Deputeti i PD zbulon formën e re të azilit/Efektet e reformave skandaloze të Ramës

29 Gusht 2017, 10:54, Aktualitet CNA

Deputeti i Partisë Demokratike, Luçiano Boçi, ka vënë alarmin për braktisjen e vendit gjithnjë e më shumë nga njerëzit.

Boçi shkruan në rrjetet sociale se mungesa e shpresës, e së ardhshmes, e punës, e normalitetit jetësor, ka detyruar mijëra familjarë e të rinj të ikin nga sytë këmbët.

Ai flet për një lloj tjetër eksodi e azili, teksa Evropa po mbyll portat një e nga një, që është dëshira e maturantëve për të studiuar jashtë Shqipërisë.

Reagimi i plotë:

Eksodi “akademik”
Ky vend po braktiset gjithnjë e më shumë!
Mungesa e shpresës, e së ardhmes, e punës, e normalitetit jetësor, ka detyruar mijëra familjarë e të rinj të ikin nga sytë këmbët.
Por në kushtet kur portat e Europës po mbyllen një e nga një për ne, është shfaqur dhe një formë tjetër eksodi e azili.
Maturantët preferojnë gjithnjë e më shumë të ndjekin studimet e larta jashtë Shqipërisë, për të mos u kthyer më.
Shifrat janë alarmante por MAS i fsheh.
Gati 8000 të rinj e të reja e përcmojnë një diplomë shqiptare nga rreth 5000 që ishin vitin e kaluar.
Ja efektet e prekshme të reformave skandaloze të bërë nga Rama!
Pra gati 1/4 e maturantëve braktisin Shqipërinë.
Vendi ynë po mplaket e mpaket me shpejtësi drite.
Largohen jo thjesht për cilësinë skandaloze të Arsimit të lartë, por më shumë për të gjetur formën për të ikur.
Ndërsa sot qeveria i bie gjoksit për procesin katrahurë të pranimeve, i cili po prodhon të njejtin kaos si ai i vjetshmi, për të njëjtat arsye.
Se sa i besueshëm është ky proces e tregon qartë numri i maturantëve që refuzojnë të jenë kurban i tij.
Se sa shpresë ngjall kjo qeverisje e tregon dëshira e maturantëve për të mos qëndruar më në këtë vend.
Rama e ka dështuar të ardhmen e të rinjve!/CityNews





Lajmet e fundit nga