"Tërmet" në administratë/Mbi 1.500 persona largohen nga puna në shtator

29 Gusht 2017, 08:42, Aktualitet CNA

Kryeministri Edi Rama ka prezantuar tashmë ekipin e tij të ri, me të cilin do të drejtojë gjatë mandatit të dytë qeverisës. Qeveria e re do të përbëhet nga 11 ministri, duke sjellë njëkohësisht rrudhje edhe në numrin e inspektorateve, agjencive. Rrudhja e këtyre institucioneve, duke filluar nga ministritë, do të ketë një kosto të lartë sa i takon vendeve të punës. ?Sot? shkruan se rreth 1500 persona shumë shpejt do të duhet të lënë detyrën.

Mbi 100 persona do të largohen nga detyra vetëm në Drejtorinë e Bujqësisë, e cila ka 13 drejtori rajonale, të cilat do të shkrihen.

Një tjetër dikaster është Inspektorati i Ujërave. Ky dikaster ka 52 inspektorë dhe ata do duhet që të largohen. Më pas vjen AKU. Kjo agjenci ka 12 drejtori dhe secila do mbyllet. Qendra Kombëtare Edukimit në Vazhdim ka 19 punonjës, ndërsa Qendra Kombëtare e Biomjekësore, 25 punonjës. Drejtoria e Përgjithshme e Metrologjisë, ka 4 degë në 4 qytete. Dega qendrore ka 4 drejtori dhe 14 sektorë, pra me qindra persona . Drejtoria e Përgjithshme e Pronësisë Industriale, ka 7 drejtori në varësi të saj me dhjetra punëtorë. ALUIZNI, ka degë në çdo qytete dhe pritet që të preket nga ndryshimet. Agjencia e Zonave të Mbrojtura, ka 12 degë në 12 qarqe me dhjetra punonjës Agjencia e Prokurimit Publik, ka 29 punonjës. Stafet më të mëdha i kanë ministritë.

Më reformën që u bë pati bashkime ministrish dhe shkrirje të shumë prej tyre. Nga këto ministri, ajo që ka më shumë punonjës është Ministria e Mirëqenies Sociale dhe Rinisë. Kjo ministri ka në varësi të saj mbi 3 mijë punonjës. Por duke qenë se ky dikaster do bashkohet me Ministrinë e Financave pritet që shkurtime të ketë vetëm në aparatin ministror, ndërsa shumica pritet që të mos lëvizen për momentin. Ministria e Integrimit shkrihet dhe prej saj ikin 113 punonjës. Po ashtu qindra punonjës ikin nga Ministria e Ekonomisë dhe Ministria e Inovacionit. Rreth 536 punonjës do ikin nga Ministria e Zhvillimit Urban, e cila u shkri.

Për reformën në administratë, në analizë janë marrë 500 institucioneve ekzistuese dhe nga 141 agjenci, janë propozuar 104 agjenci. Sipas platformës së paraqitur, e cila është akoma një draft, që mund të rishikohet, do të ketë shkrirje të agjencive me më pak se 10 persona në staf./CityNews