web counter
LEXO PA REKLAMA!

SHKARKO APP

App Store
Google Play

E fundit!

x

Ish-deputeti i PS sulmon ashpër/PD të kursejë "lotët e krokodilit", Rilindja të japë librat falas

29 Gusht 2017, 10:05, Aktualitet CNA

Kreu i Partisë Zgjidhja, Koço Kokëdhima, ka reaguar për radhët e gjata të prindërve dhe nxënëse për të marrë librat mësimor, në prag të fillimit të vitit të ri shkollor.

Në rrjetet sociale, Kokëdhima i bë thirrje qeverisë t’i japë afalas tekstet shkollore, ndërsa ironizon PD, duke i kërkuar të kursejë “lotët e krokodilit”.

Më tej, ai i bën thirrje ministrisë së Arsimit që të reagojë në kohë dhe të bëjë të mundur, që shpërndarja e teksteve në shkolla, të jetë një festë për prindërit dhe nxënësit dhe jo një vuajtje e pamundësi për ta.

Reagimi i plotë:

Rilindja t?i japë tekstet shkollore falas, PD të kursejë “lotët e krokodilit”
Dhjetëra mijëra prindër dhe nxënës të arsimit parauniversitar po përballen prej 25 gushtit me radhë të gjata për të blerë tekstet shkollore. Nga Tirana në periferitë e vendit, Ministria e Arsimit ka hapur shumë pak pika të autorizuara për shitjen e teksteve, duke i bërë një nisje të shëmtuar vitit të ri shkollor 2017-2018.
ZGJIDHJA i bën thirrje ministrisë së Arsimit që të reagojë në kohë dhe të bëjë të mundur, që shpërndarja e teksteve në shkolla, të jetë një festë për prindërit dhe nxënësit dhe jo një vuajtje e pamundësi për ta.
ZGJIDHJA e vlerëson të dhimbshëm faktin se Shqipëria është i vetmi vend në rajon ku tekstet shkollore shiten, në vend që të jepen falas.
Këshillojmë drejtuesit më të lartë të PD-së, që të kursejnë ?lotët e krokodilit? që po derdhin këto ditë për nxënësit dhe prindërit shqiptarë.
Për 13 vite në pushtet, PD-ja vetëm sa i shtrenjtoi tekstet për nxënësit e arsimit parauniversitar. Botimi dhe shpërndarja e teksteve u bë minierë ari për qeveritarët e saj dhe bizneset e lidhura me ta.
Futja e Altertekstit i bastardoi kurrikulat, u la hapësirë lloj-lloj teksteve shkollorë dhe jashtëshkollorë, aq sa gati çdo shkollë kishte tekstin e vet për çdo lëndë, me autorë dhe përmbajtje diletante, mbushur me pasaktësi dhe plot gabime. Kjo ishte një goditje e rëndë për kurrikulën shkollore. Heqja e Alertekstit ishte njëra prej punëve të pakta pozitive që bëri qeveria e Rilindjes më 2014-ën.
ZGJIDHJA mbështet propozimin që shpërndarja e teksteve shkollore për arsimin parauniversitar të bëhet falas për të gjithë nxënësit shqiptarë dhe tekstet shkollore të mos jenë burim pasurimi për shtëpitë botuese pas të cilave fshihen zyrtarët e lartë, që ndajnë mes tyre fondin 15 milionë dollarë.
ZGJIDHJA, gjithashtu, kërkon që të vijojë edhe më tej unifikimi i teksteve shkollore me Kosovën dhe të dyja shtetet bashkë të ndihmojnë me tekste dhe mjetet didaktike shkollat dhe gjuhën shqipe në Luginën e Preshevës, në Greqi, Itali dhe kudo ku ka shqiptarë që ata të mos i humbin gjuhën, historinë dhe traditat tona. #ZgjidhjaPërShqiptarët/CityNews





Lajmet e fundit nga