E fundit!

15:23 Aktualitet

"Zona që ilustron më mirë çfarë është keq në Shqipëri"/ Malltezi publikon pamje nga vendgrumbullimi i plehrave në Elbasan

Jamarbër Malltezi, në Ditën Botërore të Mjedisit, ka vizit...

Mal me dosje në Gjykatën e Lartë / 20 mijë në pritje të gjykimit/ Ç'thotë kryetari Zaganjori

29 Gusht 2017, 08:50, Aktualitet CNA

Struktura më e lartë e gjyqësorit shqiptar, Gjykata e Larta, është e përmbytur nga dosjet që prej vitesh presin për tu gjykuar dhe që nga mungesa e kapaciteteve kanë arritur të bëhen kapicë. Janë më shumë se njëzetë mijë të tilla, përballë vetëm dhjetë gjyqtarëve funksional.

Të dhenat i ka ofruar për mediat ktyetari i kësaj Gjykate, Xhezair Zaganjori, pasi ditë më pari institucioni që ai drejton u sulmua ashpër nga segmente të shoqërisë civile për mosrespektim të afateve ligjore.

I prononcuar për mediat Zaganjori dha tablonë e mëposhtëme që e zotëron institucionin e Gjykatës së Lartë:

Në arkivën e Gjykatës së Lartë presin ende për t?u gjykuar njëzetë mijë dosje, por arsyeja e vonesave duhet parë tek mungesa e gjyqtarëve, tha Zaganjori duke vijuar më tej të pohojë se; Në këtë gjykatë ka vetëm dhjetë gjyqtarë, pasi pesë të tjerëve u ka mbaruar mandati, ndërsa katër gjyqtarë kanë dhënë dorëheqjen.

?Padyshim që me reformën normalisht që çështjet do të marrin drejtim. Presim të shohim çdo bëhet, por normalisht numri i gjyqtarëve dhe ndihmësve ligjorë duhet të rritet, sepse ne po punojmë në kushte tepër të vështira. Duhet thënë nga ana tjetër që treguesi që kemi në aktualisht në shqyrtimin e dosjeve për 6-mujorin e parë të këtij viti, nuk janë të ultë. Në total janë rreth dy mijë dosje që janë shqyrtuar në Gjykatën e Lartë në gjashtë muajt e parë të këtij viti. Janë dy mijë dosje, prej të cilave janë marrë rreth dy mijë vendime, ku më shumë se gjysmën e ka bërë Kolegji Administrativ, 360 Kolegji Civil, shumë pak dhe rreth 570 të tjera nga Kolegji Penal. Kjo është jashtë çdo lloj standardi. Para disa vitesh, ky ishte numri i çështjeve që shqyrtohej në një vit?, deklaroi kreu i Gjykatës së Lartë, Xhezair Zaganjori në një prononcim për TCH.

Mirëpo, cila është zgjidhja e këtij problem madhor kostoja negative e të cilit mbi qytetarët? Ja përgjigja e Zaganjorit:

?Zgjidhjet nuk i kemi ne. Më përpara ishte kuadri kushtetues i tillë, që gjyqtarët vinin në Gjykatën e Lartë, ashtu si në Gjykatën Kushtetuese me dekretim të Presidentit dhe me pëlqim nga Parlamenti. Tani kjo formulë ka ndryshuar dhe është kompetencë e Këshillit të Lartë Gjyqësor. Por Këshilli i Lartë Gjyqësor ende nuk është krijuar. Uroj dhe shpresoj që KLGJ të formohet sa më shpejt dhe sigurisht që do të zgjidhen gjyqtarë të rinj e do ketë një organizim tjetër?. /CityNews