web counter
LEXO PA REKLAMA!

SHKARKO APP

App Store
Google Play

E fundit!

x

Arrestime e postblloqe kudo/Çfarë po bëjnë Policia e Lezhës dhe FNSH Shkodër?!

29 Gusht 2017, 09:06, Aktualitet CNA

Policia e Lezhës ka kryer kontrolle blic gjatë 24 orëve të fundit në akset kryesore të qytetit, por edhe në ambiente të ndryshme, për të goditur veprimtarinë kriminale të narkotikëve, paligjshmërisë dhe kapjen e personave në kërkim.

Kontrollet janë zhvilluar në bashkëpunim me FNSH Shkodër, prej ku janë proceduar penalisht 11 persona, 3 prej tyre të arrestuar, 1 i ndaluar në kërim dhe 7 në gjendje të lirë.

Ata akuzohen për vepra të ndryshme penale, si “Shkatërrim prone me zjarr”, “Prodhim dhe shitje e lëndëve narkotike, “Mbajtje pa leje e armëve të ftohta”, “Ndërtim i paligjshëm”, “Vjedhja” etj

Sqarimi i plotë i policisë:

U arrestua në flagrancë nga specialistët e Seksionit për hetimin e krimeve në Komisariatin Lezhë, shtetasi P. Sh., 52 vjeç, banues në Lezhë.
Ky shtetas u kap në flagrancë nga shërbimet e policisë duke i vënë zjarr në tokën e tij me sipërfaqe rreth 2,5 dynym, duke rrezikuar dhe sipërfaqe të tjera toke të fshatarëve të tjerë dhe tokë pyjore.
Vepra penale në ngarkim të tij “Shkatërrim i tokes me zjarr” parashikuar nga neni 151 i Kodit Penal.
U arrestua në flagrancë shtetasi G. LL., 19 vjeç, banues në Mirditë.
Gjithashtu u shpall në kërkim edhe shtetasi M.B. 30 vjeç, banues ne Lezhë.
Gjate kontrollit të ushtruar në një lokal në Shëngjin – Lezhë, shtetasit G.Ll. iu gjetën 1 përforcues grushti, 1 shkop gome dhe 1 brisk metalik.
Vepra penale në ngarkim të tij “Mbajtja pa leje e armëve të ftohta parashikuar nga neni 279 i Kodit Penal.
Gjithashtu, tek ky lokal u konstatuan disa punonjës të pa regjistruar në organet përkatëse.
Vepra penale në ngarkim të M.B. “Punësim i paligjshëm” dhe “Fshehja e të ardhurave” parashikuar nga nenet 170/a dhe 180 të Kodit Penal.
U arrestua në flagrancë nga specialistët e Seksionit kundër narkotikëve në D.V.P.Lezhë, shtetasi M. L. , 18 vjeç, banues në Lezhe pasi gjate kontrollit të ushtruar në mjetin ku ishte pasagjer, iu gjetën 2, 45 gram lëndë narkotike Mariuanë.
Vepra penale në ngarkim të tij “Prodhim dhe shitje e lëndëve narkotike” parashikuar nga neni 283 i Kodit Penal.
Gjithashtu u proçeduan penalisht në gjendje të lirë edhe shtetasit B.M. 19 vjeç, A.N. 19 vjeç dhe Xh.M. 19 vjeç, banues në Lezhë, pasi ishin drejtues dhe pasagjer në mjet.
Vepra penale në ngarkim të tyre “Moskallzim krimi” parashikuar nga neni 300 i Kodit Penal.
U proçedua në gjendje të lirë nga specialistët e Seksionit për hetimin e krimeve në Komisariatin e Policisë Lezhë, shtetasi N.S., banues ne Lezhë, pasi është konstatuar se po ndërtonte pa leje të organeve përkatëse.
Vepra penale në ngarkim të tij “Ndërtim i paligjshëm” parashikuar nga neni 199/a i Kodit Penal.
U proçedua në gjendje të lirë nga specialistët e Seksionit per hetimin e krimeve në Komisariatin e Policisë Mirditë, shtetasi N.M. 55 vjeç, banues në Mirditë, pasi në banesë iu konstatua lidhje e paligjshme e energjisë elektrike.
Vepra penale në ngarkim të tij “Lidhje e paligjshme e energjisë elektrike” parashikuar nga neni 137/1 i Kodit Penal.
U proçedua penalisht në gjendje të lirë shtetasi L.S. 24 vjeç, banues në Kurbin.
Ky shtetas në Kurbin, duke drejtuar mjetin e tij tip Audi është përplasur me mjetin tip Benz. Për pasojë është lënduar pasagjeri në mjetin Benz, ku ndodhet në spital jashtë rrezikut për jetën.
Vepra penale në ngarkim të tij “Shkelja e rregullave të qarkullimit rrugor” parashikuar nga neni 290 i Kodit Penal.
U ndalua shtetasi ne kërkim M.P. 16 vjeç, banues në Lezhë.
Ky shtetas dyshohet se në bashkëpunim me disa shtetas të tjerë, janë identifikuar në vijim të operacionit “Çadra”, si autor të disa vjedhjeve të ndodhura në plazhin e Shëngjinit në Lezhë.
Vepra penale në ngarkim të tij “Vjedhja” e kryer në bashkëpunim parashikuar nga nenet 134 – 22 të Kodit Penal.
Materialet proçeduriale të rasteve të lartpërmendura, iu kaluan Prokurorive të Rretheve Gjyqësore Lezhë, Mirditë dhe Kurbin, për veprime të mëtejshme./CityNews





Lajmet e fundit nga