web counter
LEXO PA REKLAMA!

SHKARKO APP

App Store
Google Play

E fundit!

x

A do ta dekretojë Ilir Meta qeverinë “Rama 2”?!/Si kërcënonte para zgjedhjeve (Video)

28 Gusht 2017, 14:53, Aktualitet CNA

Vetëm pak muaj më parë, gjatë fushatës zgjedhore të 25 qershorit, një debat i ashpër u hap me në fokus dekretimin e qeverisë së re. Presidenti i zgjedhur, Ilir Meta, kërcënonte në atë kohë se nuk do ta dekretonte një qeveri, që sipas tij, do të dilte nga votat e vjedhura.

Zgjedhjet u fituan bindshëm nga Partia Socialiste me në krye kryeministrin Edi Rama, e cila arriti të siguronte e vetme 74 mandate. Vetëm një ditë më parë, kryeministri Rama prezantoi dhe ekipin e tij të ri, me të cilët do të drejtojë vendin gjatë qeverisjes së ardhshme, duke larguar ministrat e LSI që ishin në kabinet gjatë qeverisjes së kaluar.

Tashmë, emrat e ministrave të rinj janë bërë të ditur dhe pritet vetëm dekretimi nga Presidenti Ilir Meta, që ata të marrin zyrtarisht detyrën.

Por, a do të dekretohet qeveria e re nga Presidenti Ilir Meta?

CityNews iu sjell edhe njëherë në kujtesë deklaratën e fortë të Ilir Metës, në muajin qershor të këtij viti, kur thotë se ta harrojnë dekretimin kryeministri dhe ministrat e rinj, nëse vidhen votat.

Në fakt, deri më tani janë hedhur shumë akuza, kryesisht nga LSI, por edhe nga PD, për vjedhje votash në zgjedhjet e 25 qershorit. Sipas eksponentëve të këtyre dy forcave politike, zgjedhjet parlamentare të 2017-ës ishin zgjedhjet e krimit dhe të drogës, dhe jo zgjedhje të lira.

Vetëm një ditë pas shpalljes së rezultatit zgjedhor, kreu i LSI në atë kohë, Petrit Vasili, në një dalje për media pohoi se PS ka blerë votat dhe se LSI do të denonconte me fakte të gjitha rastet e shit-blerjes nga ana e socialistëve. Pas tij, kanë ardhur edhe një sërë reagimesh të tjera, të cilët akuzonin PS për blerje votash, por deri më tani askush nuk ka dhënë asnjë fakt.

Pra, si mund të refuzojë Presidenti të dekretojë qeverinë e re ?Rama 2? bazuar në akuza të pavërtetuara?! Kjo është diçka e pamundur, megjithatë mbetet të presim vendimin e Presidentit Meta./CityNews





Lajmet e fundit nga