web counter
LEXO PA REKLAMA!

SHKARKO APP

App Store
Google Play

E fundit!

x

Basha nis sulmet ndaj qeverisë/Investoni për libra, jo për fasada ministrash

28 Gusht 2017, 14:33, Aktualitet CNA

Kryetari i Partisë Demokratike, Lulzim Basha, ka reaguar çmimet e librave në prag të nisjes së vitit shkollor.

Në rrjetet sociale, Basha shkruan se në vend që të sjellë gëzim, fillimi i shkollës sjell ankth financiar dhe vështirësi për qindra e mijëra nxënës dhe familjarët e tyre, që paguajnë mbi 15 milionë dollarë çdo vit për librat e shkollave fillore dhe të mesme.

Sipas tij, librat për arsimin e detyrueshëm duhet të jepen falas dhe të shpërndahen nga vetë shkollat, teksa shton se jei vendi i vetëm në rajon ku librat nuk jepen falas.

Reagimi i plotë:

Në vend që të sjellë gëzim, fillimi i shkollës sjell ankth financiar dhe vështirësi për qindra mijëra nxënës dhe familjarët e tyre që paguajnë mbi 15 milionë dollarë çdo vit për librat e shkollave fillore dhe të mesme.
Jemi vendi i vetëm në rajon ku librat për shkollimin e detyrueshëm nuk jepen falas, madje që të blesh këto tekste shkollore prindërit dhe nxënësit torturohen me orë të tëra në rradhë për shkak të sistemit klientelist të shpërndarjes në pak pika.
Librat për arsimin e detyrueshëm duhet të jepen falas dhe të shpërndahen nga vetë shkollat. Kjo do të ishte një ndihmë të madhe për familjet shqiptare dhe shkollimin e fëmijëve të tyre.
Një qeveri në shërbim të njerëzve investon në libra dhe mjete shkollore, jo në fasada ministrish dhe luks qeveritarësh./CityNews





Lajmet e fundit nga