web counter
LEXO PA REKLAMA!

SHKARKO APP

App Store
Google Play

E fundit!

x

‘Marioneta në krye të Arsimit’/ Ish- deputetja e PS sulmon ashpër Nikollën

27 Gusht 2017, 16:36, Aktualitet CNA

Pas zyrtarizimit të kabinetit të ri të qeverisë, ka ardhur dhe reagimi ish- deputetes së PS Mimoza Hafizi.

Nëpërmjet një statusi në rrjetet sociale, Hafizi ka sulmuar ashpër ministren Nikolla, e cili mori besimin nga kryeministri Rama për një mandat të dytë në krye të ministrisë së Arsimit.

Hafizi shkruan se me rivendosjen e saj sërisht si ministre Arsimi do të kënaqen të gjithë klientelistët e PS pasi politikat e arsimit do të kalojnë lirshëm, e ndërsa shprehet se për studentët, nxënësit dhe mësuesit është një zgjedhje shumë e hidhur.

?Aspak surprizë për askënd vazhdimësia në arsim e Qeverisë!
E hidhur për studentët, për nxënësit e mësuesit, por jo për klientët privatë të Rilindjes. Ata le të vazhdojnë të përfitojnë, të tallen, të kënaqen, pasi marionetat politike në krye të arsimit do kalojnë lehtësisht çdo akt e ligj në favorin e tyre. Duke cënuar pa dhimbje hapësirën e vuajtur të arsimit publik.
Ende shpresoj e besoj të ketë rezistencë, LIBRA do të jetë zëri i vlerave në politikë, në mbrojtje të demokracisë dhe interesit publik. Gjithsesi, më mirë
Sokrat i vuajtur sesa derr i kënaqur!?, shkruan Hafizi./CityNews





Lajmet e fundit nga