E fundit!

22:07 Kronika

Detaje nga të shtënat me armë në Sarandë/ Dyshohet për atentat

Një ngjarje e rëndë ka ndodhur në Sarandë mbrëmjen e kësaj...

Qeveria e re/LSI zbulon telefonatat e djeshme: Kush do t'i komandojë Ministritë

27 Gusht 2017, 13:57, Aktualitet CNA

Qeveria e re Edi Ramës, e prezantuar sot gjatë Asamblesë së Partisë Socialiste, është komentuar dhe nga LSI.

Kryetarja e kësaj force politike, Monika Kryemadhi, ka shkruar në rrjetet sociale se e vetmja gjë e re në këtë qeveri të re me qeverisje të vjetër do të jetë fakti se Shqipëria po shkon drejt humnerës së pandalshme.

Më tej, ajo shton se qeveria e re do jetë një instrument me pak ministri, ku secila do të ketë si komanduese të saj bandën përkatëse që grabiti me ?sukses? votat.

Mesazhi i plotë:

Forcë e re qeverisëse?!
E vetmja gjë e re, në këtë qeveri të re me qeverisje të vjeter, do të jetë fakti se Shqipëria po shkon drejt humbëtirës së pandalshme! Dhe jo vetëm ekonomike, por edhe shpirtërore.
Sepse ?Qeveria e re? e kryeministrit të vjetër, me votat e blera nga paratë e krimit nuk është dhe nuk do të jetë më gjë tjetër tashmë, përveçse një instrument me pak ministri ku secila do të ketë si komanduese të saj, bandën perkatëse që grabiti me ?sukses? votat.
Sepse vetëm kështu mund t?iu shpërblehet ?mundi? dhe ?sakrifica? e kriminelëve dhe trafikantëve që përfshiu në Zgjedhjet e 25 Qershorit, kryeministri i ardhshëm.
Frika që ka, nga ajo çfarë ai ka gatuar, është tashmë e pranishme në çdo veprim te tij. Frikë që ai mendon ta largojë, duke i mbushur mendjen vetes se ky popull nuk kupton dhe se nuk ka as kujtesë, as sy dhe as mendje të shëndoshë për të gjykuar.
Kjo është qesharake, por edhe e dhimbshme, kur sheh se deri ku shkon humori dhe tallja e tij me shqiptarët.
Vetëm dje oligarkët morën në telefon gjithë portalet për të hequr artikuj për aferat e ministrave të qeverisë së tij të djeshme, me kompanitë ruse të biznesit dhe jo vetëm, në kurriz të shqiptarëve! Eh, sa do të dëgjojmë dhe do të shikojmë!
Por për një gjë jam e bindur, se revolta e madhe popullore do të fillojë së pari, nga vetë socialistët!
Madje edhe nga vetë policët dhe nga të gjithë ata, që u përdoren si transportues të parave të krimit për blerjen e votës.
Sepse në fund të fundit, ndërgjegjja është diçka që nuk blihet as shitet përfundimisht, por rri e strukur dhe shpërthen kur krijohen kushtet e duhura!
Prandaj protesta, indinjata, zhgënjimi dhe klithma e popullit do jetë makthi i tij dhe forca jonë./CityNews