E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Qeveri e re me ministra të vjetër

27 Gusht 2017, 13:22, Aktualitet CNA

Kryeministri Edi Rama prezantoi sot skuadrën e tij qeverisëse në katërvjeçarin e ardhshëm. Ashtu siç kishte paralajmëruar prej kohësh vetë Rama, në kabinetin e ri u vunë re disa ndryshime.

Ajo që spikati më shumë ishte shkrirja dhe bashkimi i disa ministrive, duke shkuartuar numrin e tyre nga 19 në qeverisjen e shkuar, në 11 për katër vitet që na presin.

Por, surpriza dhe befasia qëndronte tek emrat e rinj, që Rama publikoi sot pas një pritjeje të gjatë. Qeveria e re ?Rama 2? nuk duket të sjellë ndonjë ndryshim të madh, për vetë faktin se do të drejtohet nga ministrat e vjetër. Përveç dy-tre emrave të rinj, në listën e ministrave të Ramës, që vetëm emrin do ketë qeveri e re, nuk kishte asgjë tjetër të re.

Kabineti i tij përbëhet nga një sërë ministrash të vjetër, që nuk janë ulur në karrigen qeveritare vetëm gjatë qeverisjes së kaluar të Ramës, por shumë më parë.

Pandeli Majko, që sot u emërua nga Rama ministër i Shtetit dhe Diasporës, e ka njohur këtë post shumë më herët, në kohën e Fatos Nanos. Majko ka drejtuar Ministrinë e Mbrojtjes për katër vite me radhë, përkatësisht korrik 2002-shtator 2005, si dhe ka qenë kryeministër i vendit në vitin 1999.

Fatmir Xhafaj, sot ministër i Brendshëm, por që e ka mbajtur këtë postë shumë vite më parë, edhe pse për pak muaj. Përgjatë periudhës kohore shkurt-shtator 2002, Fatmir Xhafaj ka qenë ministër i Rregullit të Territorit dhe Turizmit, për të vijuar më pas me postin e ministrit të Drejtësisë, në vitet 2003-2005.

Ministër në qeverinë e Fatos Nanos ka qenë dhe i zgjedhuri i Ramës në krye të Turizmit dhe Mjedisit, Blendi Klosi. Gjatë periudhës 2002-2004, Blendi Klosi ka qenë ministër i Shtetit në kabinetin Nano, ndërsa në vitin 2004-2005 ai ka mbajtur postin e ministrit të Rinisë, Kulturës dhe Sporteve.

Një tjetër emër i dëgjuar që në kohën e qeverisjes Nano është edhe ai i Damian Gjiknurit, sot ministër i Energjisë. Në atë kohë, Gjiknuri ka ushtruar detyrën e Drejtorit të Kabinetit të Ministrit të Rendit Publik, ndërsa në harkun kohor 2001-2005, ai ka qenë Sekretar i Përgjithshëm i Ministrisë së Mbrojtjes.
Niko Peleshi, ish-zëvendëskryeministri i vendit në qeverisjen e katër viteve të kaluara, tashmë do të drejtojë Ministrinë e Bujqësisë.

Arben Ahmetaj ka qenë ministër i Ekonomisë dhe më pas ministër i Financave, në qeverisjen e mëparshme të drejtuar nga Rama. Në qeverinë e re, Ahmetaj do t?i drejtojë të dyja këto ministri, të bashkuara në një nga kryeministri.

Ditmir Bushati do të vijojë të jetë ministër në kabinetin ?Rama 2?, duke drejtuar sërish të njëjtin institucion, Ministrinë e Jashtme.

Olta Xhaçka ishte ministre e Mirëqenies Sociale dhe Rinisë, ndërsa në qeverisjen e ardhshme, kryeministri Edi Rama i besoi Ministrinë e Mbrojtjes, duke larguar nga kjo detyrë Mimi Kodhelin.

Mirela Kumbaro dhe Lindita Nikolla, ja dy emra të tjerë në kabinetin ?Rama 2?, që do të mbajnë të njëjtin post si në qeverisjen e kaluar të Ramës. Kumbaro do të jetë sërish te Ministria e Kulturës dhe Nikolla te Arsimi.

Këto emra janë mjaftueshëm për të treguar ?vjetërsinë? e qeverisë së re të Edi Ramës. Një qeveri e re, e cila u prezantua sot, por që në thelb ka një sërë emrash të vjetër, që në fakt nis nga vetë kryeministri Edi Rama./CityNews