E fundit!

14:51 Aktualitet

Video- Pas më shumë se 5 orësh, Igli Tare del nga SPAK-u

Ish-futbollisti i Kombëtares shqiptare të futbollit, Igli ...

Gjykata e Lartë vendos sekuestro konservative për pronat e ish Presidentit

19 Gusht 2017, 19:57, Aktualitet CNA

Trupa e Gjykatës së Lartë ka vendosur të sekuestrojë pronat e ish-Presidentit të Serbisë e Malit të Zi, dhe të familjes së tij, deri sa të përfundojë hetimi i nisur nga Prokuroria, për të verifikuar se si i ka fituar ato.

Fjala është pë vendimin që ka marrë Gjykata e Lartë malazeze e cila dje ka pranuar kërkesën e Prokurorit të Posaçëm dhe ka bllokuar pronën e familjes së ish-presidentit jugosllav, Svetozar Maroviç derisa të përfundojë hetimi mbi origjinën e saj. Maroviçi është dënuar për mashtrim. Lidhur me vendimin, e përditshmja malazeze ?Vijesti?, e sjellë në shqip nga Kallxo.com?, raportoi se Gjykata i kishte bllokuar gjithashtu pronën Gjorgjianas, bashkëshortes së Maroviçit, të djalit të tij, Milos, si dhe të anëtarëve të tjerë të familjes së tij.

Apartamenti 90 metra katrorë i Maroviçit në Budva, të cilin ai e ka shitur për 180 000 euro në mes të korrikut, është konfiskuar gjithashtu.

Vlera totale e pronës së Maroviçit, e fituar gjatë viteve të fundit, ndërsa ishte i punësuar nga shteti, thuhet se është vlerësuar të jetë disa milionë euro. Ajo përfshinë pronën luksoze në Budvë dhe Boka Bay, plus kompanitë dhe një jaht.

Ish-kryetari i Parlamentit malazez dhe presidenti i fundit i shtetit jugosllav, Maroviq u deklarua fajtor për akuzat për korrupsion në gusht të vitit 2016 dhe ra dakord të bëjë katër vjet burg.

Maroviç, figura numër dy në politikën e Malit të Zi për disa vite, pas kryeministrit veteran të vendit, Milo Gjukanoviç, ishte anëtari i parë i elitës politike të vendit që dënohej me burg për korrupsion. Megjithatë, ai tani është i lire, por ka një urdhër për arrestim nga Interpoli të lëshuar nga autoritetet malazeze.

Sipas avokatëve të tij, Maroviç ka qenë në Beograd, Serbi, që prej datës 7 prill, duke iu nënshtruar trajtimit shëndetësor, ndonëse ai duhej të fillonte në maj burgun në Malin e Zi.

Ministri i Brendshëm serb, Nebojsha Stefanovic tha në qershor se policia serbe do të vepronte ?sipas ligjit? në çështjen Maroviç, pas kontrollimit të statusit të Interpolit dhe përcaktimit të vendndodhjes së tij të saktë. Ministri malazez i Drejtësisë, Zoran Pazin më pas tha se arrestimi varet nga policia serbe dhe se Podgorica do të paraqiste një kërkesë për ekstradimin e tij pasi ai të ishte ndaluar, raporton ?kallxo.com?.