web counter
LEXO PA REKLAMA!

SHKARKO APP

App Store
Google Play

E fundit!

x

Vlonjati krenar kthehet në Atdhe pas 23 vitesh burg në Itali

6 Gusht 2017, 20:10, Aktualitet CNA

Ali Fetah Gjoni ,tërbaciot nga familja Gjoni e famshme për trimëri e guxim këto 200 vitet e fundit, në vitin e largët 1993 punonte si argat pa dokumente në arat e Puljes në Itali. Aliu duke qenë natyrë krenare nuk e duronte dot keqtrajtimin e vazhdueshëm , që i bënte ?kaporali? (një farë ndërmjetësi për rekrutimin e emigrantëve si argatë në bujqësi pa dokumente e me paga shumë të ulta). Aliu armatoset me pushkë dhe në Sheshin e Shën Pjetrit në qendër të qytetit të Galatinës vret kaporalin dhe plagos rëndë njeriun më besnik të tij, i cili vdes në spital nga plagët e marra.

Gjykata italiane e dënon Aliun, të mbrojtur vetëm me avokat kryesisht, me 23 vite burg për vrasje të dyfishtë me dashje. Në vitin 2016 Aliu arratiset nga Burgu i Pizas, ndonëse i kishte mbetur vetëm pak kohë për të mbaruar dënimin. Në 20 prill 2016 zv/kuestori i Brindizit Mario Marcone i ndihmuar nga ushtarakë të Regjimentit të Artilerisë ?Trieste? të Foxhias (Foggia)e prangos  Gjoni, ndërsa përpiqej të imbarkohej në tragetin e Linjës Brindizi-Vlorë. Për arratisje nga vendi i vuajtjes së dënimit  Gjonit i shtohet edhe 1 vit burg.

Në 3 gusht 2017 dënimi me burg i mbetur i  Gjoni i shndërrohet në masën alternative të dëbimit për jetë nga Italia. Maria Rosaria de Luca, zv/kuestoria e Peruxhias (Perugia) e shoqëroi personalisht Ali Fetah Gjonin nga Burgu La Capanne në bordin e Tragetit Ankona-Durrës. Për koincidencë zëvendës kuestore Maria është stërmbesa e gjeneralit të karabinierëve Crispino Agostinucci, kundër të cilit luftoi gjyshi i z. Gjoni në Luftën e Vlorës në 1920.Tashmë shqiptarit krenar, por të pafat Ali Fetah Gjoni i duhet të nisë jetën nga e para në Shqipëri në moshën 52 vjecare!/Gjergj Thanasi





Lajmet e fundit nga