web counter
LEXO PA REKLAMA!

SHKARKO APP

App Store
Google Play

E fundit!

x

Skandal në aksin Orikum–Vlorë/ Trafiku bllokon 17 km rrugë prej disa orësh, foto

6 Gusht 2017, 17:09, Aktualitet CNA

Aksi rrugor Orikum-Vlorë ka mbetur i bllokuar nga trafiku, pas aksidentit që ndodhi pak orë më parë, ku gjeti vdekjen një i moshuar.

Kjo mund të ketë qenë një nga shkaqet që ka sjellë bllokimin, por Lungomare, mungesa e unazës së Vlorës dhe numri i madh i pushuesve në këtë fund-verë janë faktorë që kanë sjellë këtë kaos dhe bllokim të trafikut, që detyron me qindra dhe mijëra pushues të torturohen, duke ngelur të bllokuar.

Burimet i thanë CityNews se trafiku është shumë i rënduar dhe janë të bllokuara rreth 17 km rrugë, nga ura e Orikumit deri në Vlorë. Shkaktarë janë faktorët e mësipërm dhe ky është një rast që përsëritet në Vlorë, në kulmin e sezonit tursitik.

Më poshtë po sjellim disa foto, që janë dërguar në redaksinë e CityNews, pranë urës së Orikumit, që është edhe pika fundore e trafikut.

Mijëra e mijëra mjete janë bllokaur, ose lëvizin shumë ngadalë. Prej disa orësh tortura e turistëve vazhdon dhe me shumë gjasa do të shkojë deri në orët e vona të natës./CityNews





Lajmet e fundit nga