web counter
LEXO PA REKLAMA!

SHKARKO APP

App Store
Google Play

Modelja 20 vjeçare rrëmbehet për t’u shitur në internet/ Dalin pamjet e tmershme

6 Gusht 2017, 19:38, Aktualitet CNA

Modelja britanike e cila u mor peng dhe u nxorr në shitje online, ka përshkruar sot ngjarjen se si u zgjua brenda një çante e prangosur.

Grupi kriminal i njohur si Black Death, morrën peng modelen Chloe Ayling, 20 vjeç, nga një dyqan i braktisur në qendër të Milanos, pasi e kishin mashtruar se do të bënin një set fotografik.

Modelja u mbajt peng për 6 ditë në një shtëpi në fermë në Turin dhe u lirua nga pengmarrësit vetëm pasi ata mësuan se 20 vjeçarja ishte nëna e një djali 2 vjeçar.

Duke përshkruar ngjarjen e rëndë, modelja tha në dëshminë e saj se fillimisht dikush i kishte mbyllur gojën dhe një person i dytë i kishte injektuar drogë në krah.

?Një person që mbante dorashka të zeza erdhi nga prapa dhe më vuri dorën në qafë dhe në gojë në mënyrë që të mos bërtisja.

Një person i dytë më dha një injeksion në parakrahun e djathtë. Mendoj se kam humbur ndërgjegjen. Kur u zgjova, kisha veshur një kostum banje rozë.

Kuptova se isha në garazhin e një makine me kyçet e dorës dhe këmbëve të lidhur me shirit dhe me letër ngjitëse në gojë. Isha brenda një thesi dhe mund të merrja frymë vetëm përmes një vrime të vogël,? është shprehur ajo./CityNews

 





Lajmet e fundit nga