web counter
LEXO PA REKLAMA!

SHKARKO APP

App Store
Google Play

Emrat/Kë pritet të largojë Basha në shtator

1 Gusht 2017, 18:49, Aktualitet CNA

Zhvillime dhe ndryshime të mëdha pritet të shoqërojnë edhe Partinë Demokratike, duke nisur nga muaji shtator.

Përveç ndryshimeve dhe largimeve të paralajmëruara nga kryeministri Edi Rama në kabinetin qeveritar dhe administratën shtetërore, ?furtunë? pritet të ketë dhe në PD. Pjesë e ?furtunës? do jenë edhe sekretariatet e selisë blu, prej ku priten ndryshime rrënjësore.

Lulzim Basha do të largojë disa prej sekretarëve, ku i rrezikuar është edhe numri dy në PD, Sekretari i Përgjithshëm, Arben Ristani. Ristani është emri i parë që rrezikon postin e Sekretarit të Përgjithshëm në PD, pasi ishte një ndër kritikët e hapur të Lulzim Bashës, pas rezultatit katastrofik që pësoi PD në zgjedhjet e 25 qershorit.

Më tej, mund të vijojmë me disa emra të tjerë sekretarësh, të cilët rrezikojnë postin. Fatbardh Kadilli, Sekretar i Burimeve Njerëzore, është një tjetër emër që pritet të zëvendësohet nga Basha. Kadilli braktisi fushatën elektorale të zgjedhjeve në PD, ndaj dhe si shpërblim pritet të marrë pikërisht largimin. E njëjta gjë pritet të ndodhë edhe me Eno Bozdon, Sekretarin për Organizmin në PD, i cili braktisi fushatën ashtu si Kadilli.

Nevila Xhindi, Sekretare e Shoqërisë Civile, dhe Valbona Mezini, Sekretare e Organizatave Partenere, janë dy emra tjerë që shtatori mund të lërë jashtë Sekretariatit të Partisë Demokratike. Kujtojmë se Mezini dhe Xhindi ishin dy kritike të ashpra të Bashës pas rezultatit katastrofik më 25 qershor, si dhe kundërshtuan rizgjedhjen dhe kandidimin e Lulzim Bashës për kryetar të PD.

Të vetmit që Basha pritet të mbajë në radhët e sekretarëve janë deputetët e rinj, pra besnikët e tij në PD. Këtu mund të përmendim Ervin Salianjin, Sekretar i Aksionit Qytetar, dhe Grida Dumëm, Sekretarja e Marrëdhënieve me Publikun.

Gjithashtu, një tjetër emër që pritet të mos largohet është edhe Ivi Kaso, Sekretar për Zgjedhjet në PD. Ndërkohë, furtunë do ketë edhe nëpër departamente dhe në listën që do propozojë Basha për Këshill Kombëtar.





Lajmet e fundit nga