web counter
LEXO PA REKLAMA!

SHKARKO APP

App Store
Google Play

E fundit!

x

Zbulohet plani "i fshehtë" i Ramës që shkund administratën/Vetting e teste për të gjithë

27 Korrik 2017, 21:56, Aktualitet CNA

Kryeministri Edi Rama ka paralajmëruar prej kohësh ?furtunë? largimesh dhe ndryshimet në administratën shtetërore dhe tashmë duket se ka nisur të vërë në zbatim planin e tij ?ogurzi? të mandatit të dytë.

Vetëm ditën e sotme, Rama shkarkoi të gjithë drejtuesit e hetimit tatimor në rang Republike, si dhe iu kërkoi dorëheqjen të gjithë drejtuesve të Hipotekave, gjatë mbledhjes që zhvilloi me ta në Kryeministri.

Menjëherë pas këtyre vendimeve është zbuluar një tjetër plan i qeverisë së re të Edi Ramës, e cila u rikonfirmua bindshëm në zgjedhjet e 25 qershorit, duke marrë e vetme timonin drejtues.

Burime të BalkanWeb mësojnë se skuadra që po punon për qeverinë e re, po harton një platformë vettingu për të gjithë punonjësit e shërbimeve ndaj publikut, duke filluar nga hipotekat, ku ky lloj Vettingu i posaçëm do të aplikohet për herë të parë.

Mësohet po ashtu se të gjithë punonjësit e hipotekave, hetimit tatimor e të tjerë, do të rekrutohen apo rikonfirmohen me një proces konkursi të posaçëm.

Gjithashtu, bëhet e ditur se në çdo institucion shërbimesh do të ngrihet një zyrë e posaçme antikorrupsion, ndërsa po mendohet edhe për një komision shtetëror të etikës së shërbimit të administratës ndaj publikut./CityNews





Lajmet e fundit nga