Sondazhi në Syri.net/Gara në PD u manipulua

27 Korrik 2017, 21:06, Aktualitet CNA

Portali Syri.net me profil të djathtë politik dhe një nga mediat online më të ndjekura në Shqipëri ka bërë një sondazh mbi zgjedhjet e zhvilluara më 22 korrik brenda Partisë Demokratike për kreun e ri.

Procesi zgjedhor i 22 korrikut ishte mjaft i kontestuar, pasi pati denoncime të shumta për manipulim votash. Madje, CityNews ka sjellë fakte dhe prova që e dëshmojnë procesin e gënjeshtërt të Lulzim Bashës, i cili bëri gjithçka për të ruajtur karrigen dhe për katër vitet e ardhshme.

Sondazhi i zhvilluar në portalin Syri.net iu drejtohet qytetarëve me pyetjen: A besoni se gara në PD ishte e ndershme?

Rreth 55% e qytetarëve janë kundër këtij mendimi dhe vlerësojnë se gara ishte e manipuluar dhe e pavërtetë. Pra, sondazhi tregon se opinioni publik mbështet denoncimet e bëra nga CityNews.al për manipulim dhe falsifikim të garës në Partinë Demokratike.

Më 22 korrik iu drejtuan kutive të votimit rreth 20 mijë demokratë, ndërsa shifrat e publikuara nga selia blu nga Jemin Gjana, me urdhër të Lulzim Bashës, ishin trefishuar dhe flisnin për 60 mijë votues.

Në fakt kjo rezultoi të ishte tërësisht e pavërtetë dhe një gënjeshtër e pastër e ?ushtarëve? të Bashës në PD dhe këtë e vërtetuan shumë video, ku tregonin qartë se të njëjtët persona votonin mbi dy-tri herë. Ndërsa rasti më konkret ishte ai i Korçës i publikuar me video fakte nga vetë CityNews, i cili monitoroi për gjatë gjithë ditës procesin e votimit përmes kamerave të vendosura jashtë selisë së PD.

Edhe rezultati i sondazhit të zhvilluar në portalin Syri.net flet për një garë të pandershme, të kuptuar tashmë edhe nga qytetarët shqiptarë, ashtu siç është kuptuar dhe pranuar nga shumica e demokratëve të vërtetë.

Burime i thanë CityNews se sondazhi po zhvillohet prej 4 ditësh dhe kanë votuar rreth 2 mijë persona në web, ku mbi 1 mijë prej tyre e shohin të manipuluar dhe jo të ndershme garën në PD. Ndërkohë, 7.2% e qytetarëve nuk e dinë dhe vetëm 37% mendojnë se gara në PD ishte e ndershme.

Një perceptim që tregon se manipulimi i Bashës nuk besohet nga shqiptarët dhe demokratët në veçanti./CityNews