Lulzim Basha si Koba i PD-së

27 Korrik 2017, 17:30, Aktualitet CNA

Ka një shprehje Josif Visarjanoviç Stalin, ish-diktatori sovjetik i quajtur edhe Koba, njeriu që fitoi Luftën e Dytë Botërore dhe vendosi perden e hekurt në Lindjen e Evropës.

Shprehja thuhet në mënyra të ndryshme. Sipas Stalinit, ?Is not important who in the party will vote or how, but what is extraordinarily important is this: Who will count the votes, and how?, kjo shprehje, e cila në shqip do të thotë: ?Nuk ka rëndësi kush voton dhe si, por jashtëzakonisht e rëndësishme është kush numëron dhe si?, vlerësohet më shumë se kurrë për t?u gjykuar nga demokratët dhe vetë Partia Demokratike.

Megjithëse Lulzim Basha është njeri i shkolluar në Perëndim, sjellja e tij politike është njëlloj si e Stalinit. Më 22 korrik, në të gjithë Shqipërinë nuk votuan më shumë se 2o mijë demokratë, por Koba i PD urdhëroi Jemin Gjanën dhe vartësit e tij në degë, që ta shpallnin rezultatin 3 herë më shumë, që ai të kalonte shifrën mbi 50% të listës imagjinare të anëtarësisë që ka Basha në mendje.

Stalini e ka thënë shumë vite më parë atë shprehje, por fatkeqësisht partia që rrëzoi perden e komunizmit në Shqipëri, ajo forcë politike që ka luftuar për votën e lirë, që është rrëzuar nga pushteti në mënyrë staliniste dhe ka ardhur në pushtet nëpërmjet votës, e ngujuar 3 muaj në çadër për idealin demokratik dhe kauzën e votës së lirë, sot në krye të saj ka një Koba. Atë që nuk numëron siç votojnë votat dhe verdiktin e demokratëve, por numëron atë që do dhe si e do ai.

E pra fatkeqësisht sot partia në krye ka një Koba, i cili ndoshta nuk ka vrarë 20 milionë rusë në një luftë apo ka kryer krime kundër njerëzimit ndaj popullit të tij, por Lulzim Basha me numërimin dhe zgjedhjet në PD i afrohet jo pak Stalinit.

Ka qenë ministër i Brendshëm më ?21 Janar?, kur u vranë 4 të pafajshëm në bulevard. Fatkeqësisht, ka dy ngjasime, të parën e ka më 21 Janar 2011, të dytën e ka më 22 korrik 2017.

Ka të njëjtën strategji, largon intelektualët dhe njerëzit me vlera, ngre në përgjegjësi të paaftët dhe servilët.
Nuk ndihet ende, është aq i çmendur sa Stalini, por Koba i PD ndoshta për nga ligësitë ja kalon dhe djallit./CityNews