E fundit!

07:07 Sociale

Kthjellime dhe vranësira të pakta/ Parashikimi i motit për ditën e sotme

Ditën e Premte vendi ynë do të mbetet nën ndikimin e masav...

Del përgjigjja zyrtare/ Ja çfarë i helmoi Bashën dhe protestuesit e PD-së

11 Korrik 2017, 20:30, Aktualitet CNA

Instituti i Mjekësisë Ligjore e konsideron të zbuluar shkakun e helmimit masiv që ndodhi tek 76 qytetarë mbështetës të opozitës, në mitingun hapës të fushatës elektorale të PD për zgjedhjet e 25 qershorit në Tiranë.

Mjekësia Ligjore ka dorëzuar në prokurori aktin e ekspertimit në lidhje me problemet shëndetësore të 76 protestuesve përfshi edhe kryetarin e PD, Lulzim Basha që mori ndihmë mjekësore 7 orë pas mitingut hapës të fushatës elektorale.

?Probabiliteti më i lartë për problemet shëndetësore të konstatuara tek 50 mostrat e marra në analizë është që ato të jenë shkaktuar si pasojë e rrezatimit të prozhektorëve si pasojë e qëndrimit nën këtë efekt për 2-3 orë?, thuhet ndër të tjera në aktin e ekspertimit të Mjekësisë Ligjore.

Hetuesit thonë se mjekësia ligjore e ka bazuar ekspertimin në analizimin e të dhënave nga mostrat e marra tek 50 shtetas nga totali prej 76 personash që u paraqitën me shqetësime në spital (QSUT). Personat u paraqitën në urgjencë më 28 maj, një ditë pasi kishin marrë pjesë në hapjen e fushatës së opozitës më 27 maj 2017 në Tiranë.

Prokuroria e Tiranës mësohet se e ka administruar në dosje këtë dokument, ndërsa është në pritje të mbërritjes së analizave nga Gjermania ku është kërkuar me letërporosi, një ekzaminim më i thelluar për shkakun e shqetësimeve shëndetësore që shfaqen protestuesit e opozitës, shkruan ?Panorama?, duke vijuar:

Vetëm 7 orë pas pjesëmarrjes në tubimin e zhvilluar në bulevardin tek kryeministria, 230 persona përfshi edhe kryetarin e PD Lulzim Basha, u paraqitën me simptoma të skuqjes, enjtes dhe irritimit në fytyrë, në kokë dhe në qafë. Disa prej pjesëmarrësve kishin skuqje e irritim edhe në pjesën e krahëve.

Pak javë më parë në prokurori mbërriti edhe një përgjigje e organeve të specializuara të ushtrisë shqiptare e cila theksonte se një ditë pas mitingut të PD, në bulevard nuk janë gjetur mostra lëndësh kimike apo ushtarake helmuese./CityNews