web counter
LEXO PA REKLAMA!

SHKARKO APP

App Store
Google Play

E fundit!

x

Flet shefi i kirurgjisë në Elbasan/Ju tregoj ç’ndodhi me 18-vjeçaren që humbi jetën

10 Korrik 2017, 13:51, Aktualitet CNA

Zbulohet procedura që u ndoq deri në vdekjen e 18 vjeçares  Ketjona Ibrahimi në spitalin Kirurgjik të Elbasanit.

Sipas shefit të spitalit kirurgjik në këtë qytet, Alban Hoxha, e ndjera ka qenë e shtruar fillimisht në spitalin e Gramshit ku ka manifestuar dhimbje barku e të vjella. Pasi ka marrë mjekimet e para atje dhe nuk ka pasur përmirësime, është dërguar në urgjencën e qendrës spitalore ?Xhaferr Kongoli? në Elbasan, transmeton infoelbasani.al.

Në orët e para të mëngjesit nga urgjenca, 18 vjeçarja është dërguar në kirurgji për një konsultë. Atje është dyshuar për hemorragji në vezore dhe organet e riprodhimit. Pas kryerjes së operacionit nuk është gjetur crregullim në këtë pjesë të trupit, por në hapësirën e barkut është konstatuar sasi lëngu, thotë dr. Hoxha për portalin lokal.

Për këtë qëllim është kërkuar ndihma e mjekut kirurg. Mjekja J. Maksuti ka kryer pastrimin e lëngut dhe e ka futur në reanimacion. Nga ora 14 e pasdites deri në orën 20 vajza ka reaguar mirë dhe ka komunikuar edhe me familjarët. Por në këtë orë ajo ka pësuar arrest kardiak dhe me gjithë ndërhyrjen nuk ka mundur të shpëtojë.

Pas vdekjes ajo është dërguar në morg dhe i është nënshtruar autopsisë. Nga të dhënat e para të ekspertëve shkak për vdekjen ka qenë tromboembolia pulmonare, ose mpiksja e gjakut në mushkëri, një patologji kjo e shprehur në shumë pacientë, sipas infoelbasani.al.

Megjithatë fjalën përfundimtare do ta japin ekspertët mjeko-ligjorë në Tiranë.

Burime spitalore pohuan se mjekja J. Maksuti është duke vijuar normalisht punën dhe vetëm pas përgjigjes së ardhur nga ekspertët do të vendoset nëse mban apo jo përgjegjësi për rastin në fjalë.





Lajmet e fundit nga