web counter
LEXO PA REKLAMA!

SHKARKO APP

App Store
Google Play

E fundit!

x

Analiza- Katastrofa e Lulzim Bashës në Tiranë/Si e mposhti Rama i vetëm

10 Korrik 2017, 09:41, Aktualitet CNA

Partia Demokratike pësoi një humbje katastrofike në zgjedhjet e 25 qershorit. Nën udhëheqjen e Lulzim Bashës, PD arriti minimumin historik të saj, një rezultat që nuk mund të krahasohet as me vitin famëkeq të 1997. Forca e dytë politike më e madhe në vend pësoi rënie drastike në të gjitha qarqet e vendit, mes të cilëve ishte dhe Tirana.

Në qarkun më të madh në vend, Partia Demokratike e Lulzim Bashës humbi mbi 8% të votave që kishte në zgjedhjet e vitit 2013. Shifrat janë publikuar nga ish-deputeti i PD, Kastriot Islami, ku grafikët mbështeten në shifrat zyrtare.

Në grafikun e publikuar nga ish-deputeti Islami jepen rezultatet për Qarkun e Tiranës për zgjedhjet e 2017, duke bërë njëkohësisht krahasimin me vitin 2013 dhe ku PS dhe PD merrnin pjesë në zgjedhje në koalicion me aleatët respektivë. Në grafikun e Islamit, në vitin 2013 PS bashkë me aleatët ka 47.84% të votave, ndërsa PD me aleatët 38.89% të votave.

Ndërsa në vitin 2017 duhet saktësuar një fakt, që Partia Socialiste është e vetme në zgjedhje, ndërsa PD garon sërish me aleatët. Pavarësisht se e vetme, PS ka pësuar rritje, duke siguruar 48.24% të votave. Por, krejt e kundërta ndodh me PD dhe aleatët e saj, që shënjojnë një gropë të thellë në rezultatin e tyre. Edhe pse të bashkuar, kandidatët e listës Basha janë shumë më poshtë se në 2013, me vetëm 30.81% të votave.

Rezultati i Tiranës është gropa e parë ku Lulzim Basha e zhyti partinë historike në këto zgjedhje, por nuk mungojnë ?perlat? edhe në të gjithë qarqet e tjera. Rezultati ishte katastrofik edhe aty ku PD doli forcë e parë, duke humbur një përqindje të madhe të votave të 2013. CityNews do iu sjellë më tej analizat edhe në qarqet e tjera, për të treguar me fakte sesi PS e Edi Ramës mposhti në mënyrë të turpshme Bashën dhe kandidatët për deputet të listës së tij./CityNews





Lajmet e fundit nga