web counter
LEXO PA REKLAMA!

SHKARKO APP

App Store
Google Play

E fundit!

x

Gropa elektorale e Shqipërisë

10 Korrik 2017, 09:59, Aktualitet CNA

Shqipëria zhvilloi zgjedhjet parlamentare më 25 qershor, ku rezultati ishte jo pak befasues. E zhgënjyera e madhe e këtyre zgjedhjeve ishte Partia Demokratike, e cila pësoi një humbje drastike dhe një rënie të thellë nga zgjedhjet e vitit 2013. Së bashku me aleatët, Lulzim Basha nuk mundi të mbante rezultatin e vitit 2013, e për më tepër të fitonte përballë PS së Edi Ramës, i cili ndonëse garonte i vetëm korri një fitore të thellë.

CityNews iu solli pak më parë rezultatet për Qarkun e Tiranës, të publikuara nga ish-deputeti i PD, Kastriot Islami, ku Basha me aleatët kishte pësuar një rënie të thellë krahasuar me 2013, ndërsa Rama i vetëm ishte rritur.

Tani do kalojmë në një tjetër qark, që renditet ndër më të mëdhenjt në vend, ashtu si dhe Tirana, që është pikërsisht Durrësit. Qarku i Durrësit mund të konsiderohet si gropa elektorale e Lulzim Bashës, ku rezultati që i ?dhuron? PD-së është i frikshëm.

Lulzim Basha dhe Oerd Bylykbashi, si kryesuesi i i PD në Durrës, e çojnë partinë në katastrofë, duke humbur plot 13% të votave të marra në zgjedhjet e përgjithëshme parlamentare të vitit 2013. Katastrofa elektorale e PD në këtë qark lidhet me humbjen e numrit të votuesve, duke bërë që kjo forcë politike të shënojë gropën e saj më të madhe.

Një humbje e tillë është shënuar për PD edhe në shumë qarqe të tjera, por Durrësi bën diferencën e madhe pasi është një ndër qarqet me numrin më të madh të votuesve në vend dhe me 14 mandate deputetësh.

Për këtë, humbja e 13% të votuesve është një fakt i fortë që tregon se ku ka përfunduar partia më e madhe opozitare nën udhëheqjen e Lulzim Bashës. Ky i fundit është përgjegjësi kryesor për këtë humbje të thellë në zgjedhje, ku PD doli e rrënuar si kurrë më parë./CityNews





Lajmet e fundit nga