web counter
LEXO PA REKLAMA!

SHKARKO APP

App Store
Google Play

E fundit!

x

Ish-zv.kryeministri “shpërthen” ndaj demokratëve/Dilini zot partisë, ja rrugët!

10 Korrik 2017, 10:13, Aktualitet CNA

Ish-zëvendëskryeministri në qeverinë Berisha, Ilir Rusmali, një ndër zërat më kritikë ndaj Lulzim Bashës, ka komentuar me tone të ashpra situatën e krijuar në Partinë Demokratike pas rezultatit katastrofik që pësoi në zgjedhjet e 25 qershorit.

Në një shkrim për ?Panorama?, Rusmali, pjesë e grupit anti-Basha që kërkuan dorëheqjen e tij, bën thirrjen e fuqishme ndaj të gjithë demokratëve të vërtetë, duke iu kërkuar t?i dalin zot partisë.

Ai sqaron mënyrat se si mund t?i dilet zot partisë, duke shtuar se liderët duhen ndërruar sa herë që humbin dhe nuk arrijnë objektivat, derisa të gjendet një lider fitues.

?Dili Zot partisë, o i mjerëQ! A është e vështirë t?i dalësh zot partisë? Partia është aseti më i çmuar politik i anëtarësisë, është investimi i çdo anëtari në politikë, është kapitali i secilit prej tyre. Ky kapital ka vlerë aq sa është vlera elektorale e partisë. Pas 25 qershorit vlera elektorale e PD-së është 28 per qind, më e ulta që nga themelimi i saj. T?i dalësh zot partisë do të thotë se, kur të vijë rradha jote për të vendosur midis opsionit që thellon rënien e kapitalit politik të partisë dhe opsionit që frenon rënien/sjell ringritjen, të zgjedhësh këtë të dytin. Nëse opsioni mungon duhet të rezistosh, të refuzosh, të ngresh zërin e të imponohesh deri sa të vijë opsioni që ngjall besim. T?i dalësh zot partisë do të thotë të mos pranosh ?supën e burgut? që të venë përpara, sa herë vjen rradha që vendimet t?i marrësh ti.

A është e lehtë t?i dalësh zot Partisë? Partia pasqyron fytyrën e anëtarësisë. Kur anëtarësia është kërkuese, parimore, e drejtë, idealiste, e sakrificës dhe altruiste e tillë është dhe partia. Por partia mund të pasqyrojë dhe fytyrën e liderit, kushdo qoftë lideri, sidoqoftë imazhi i tij. Në të gjitha rastet kur partia pasqyron fytyrën e liderit, imazhi i saj është i rrejshëm, partia nuk ka të ardhme. T?i dalësh zot partisë do të thotë të ndalosh liderin që t?i imponohet anëtarësisë, të mbrosh fytyrën e partisë nga tjetërsimi prej liderit, edhe kur për këtë shkak, të duhet të refuzosh liderin.
A është e drejtë t’i dalësh zot partisë? Kryetari i partisë, në marrëveshje me kundërshtarin politik, u doli garant zyrtarisht zgjedhjeve që vetë kishte denoncuar apriori si të shitura. Mori përsipër barrën që asnjë opozitë në botë nuk ia heq nga shpina qeverisë. Kthyer në realitetin e hidhur të procesit, përballë pafuqisë ekstreme të opozitës për të përballuar këtë sipërmarrje dhe pohimit të vetë kryetarit se zgjedhjet iu “blenë”, anëtarësia ka detyrë të mbrohet qoftë nga “gjëma” (tradhëtia politike), qoftë nga “proçka” (gomarllëku politik) që i solli peshqesh kryetari me marrëveshjen e padobishme.

A është e mundur t?i dalësh zot partisë? Të duhet vetëm të kuptosh se në sistemet politike evropiane lideri nuk ka ?privilegjin e sundimit?, por ka ?detyrimin e performancës?. Të refuzosh liderin humbës dhe me performancë negative që të të udhëheqë, nuk do të thotë të cënosh të drejtën e individit për të kandiduar, por do të thotë t?i shërbesh interesit më të mirë të anëtarësisë, do të thotë të mbrosh partinë nga rrënimi. Detyrimit për performancë duhet t?i nënshtrohet çdo lider politik në çdo zgjedhje. Liderët duhet të ndërrohen sa herë që humbin, apo nuk arrijnë objektivat, pa sentimente dhe pa kompromise, deri sa të lindë lideri fitues, deri sa të realizohen objektivat. Vetëm kështu i dilet zot partisë?, shkruan Rusmali./CityNews





Lajmet e fundit nga