E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ja përse ju nuk mund të ndërprisni duhanin teksa pini alkool!

8 Korrik 2017, 21:50, Aktualitet CNA

Ka një shpjegim shkencor se pse ju nuk mund të ndaloni pirjen e duhanit teksa konsumoni alkool.

Sipas një studimi që u zhvillua në Universitetin e Pensilvanisë në vitin 2009, Doktor John Dani dhe ekipi i tij botoi një eksperiment që studioi se si nikotina prekte kujtesën e minjve. Në thelb, nikotina sinjalizon kujtesën tuaj të bëjë një lidhje mes mjedisit që ju rrethon dhe pirjes së duhanit. Dr. Dani shpjegon :”Truri ynë normalisht bën lidhje të caktuara mes gjërave që suportojnë ekzistencën tonë dhe indikatorëve mjedisorë në mënyrë që të bëjmë sjellje që çojnë në një jetë të suksesshme. Truri dërgon një sinjal shpërblimi kur veprojmë në një mënyrë që kontribuon në mirëqenien tonë.

Megjithatë, nikotina e komandon këtë proces të të mësuarit nënndërgjegjësues në tru, kështu që ne fillojmë të sillemi sikur pirja e duhanit është një veprim pozitiv “.Dozat e mëparshme të nikotinës që keni marrë ndikojnë në kujtesën tuaj për të pirë alkool. Pra, nëse pini duhan dhe pini alkool, herën tjetër që jeni duke pirë, ju kujtohet duhani dhe dëshironi që të filloni përsëri. Dani vazhdoi:”Ndryshimi i aktivitetit të trurit ishte thjesht mahnitës. Krahasuar me injektimet e salinës, nikotina forconte lidhjet neuronale – ndonjëherë deri në 200 % .

Ky forcim i lidhjeve nënkupton formimin e kujtesës së re. ” Megjithatë, ndikimet janë kimike, si dhe psikologjike. Më vete, nikotina dhe alkooli mund të rrisin dopaminën në gjakun tuaj. Dopamina është një neurotransmetitor i cili ju bën të ndiheni më mirë.

Ndërsa shpesh jetëshkurtër, kjo ndjenjë e adrenalines ose e lumturisë së përgjithshme mund t?ju bëjë të krijoni varësi.

Përfundimi është se së bashku, alkooli dhe nikotina bëjnë të kundërtën. Nëse vendosni të pini duhan gjatë kohës që konsumoni një pije, nivelet e dopaminës në trupin tuaj bien dhe ju mund të ndiheni të stresuar ose të pakënaqur.

Pa e kuptuar këtë, ju doni të rrisni nivelin e dopaminës prandaj merrni dhe një cigare tjetër. Kjo krijon një cikël vicioz dhe kjo është arsyeja pse ne shpesh nuk jemi të kënaqur me vetëm një cigare dhe përfundojmë duke pirë një paketë të tërë duhani teksa konsumojmë një pije në bar.Zgjidhja është e thjeshtë, por jo më e lehtë: mos pini duhan në radhë të parë./CityNews