web counter
LEXO PA REKLAMA!

SHKARKO APP

App Store
Google Play

E fundit!

x

Dobitë e ujit të trëndafilit/ Ja si përgatitet

8 Korrik 2017, 20:40, Aktualitet CNA

 

Uji i trëndafilit është një produkt bimor shumë i shëndetshmë që ka dobi të shumta për lëkurën dhe shëndetin. Ja 5 përfitimet kryesore që mund të marrë lëkura nga përdorimi i ujit të trëndafilit;

Si tonik për lëkurën.

Ujin e trëndafilit aplikojeni si tonik për të mbyllur dhe pastruar poret e lëkurës si dhe për t?i dhënë asaj shkëlqim dhe freski.

Reduktoni sytë e fryrë apo qeskat poshtë syve.

Nëse sytë janë të lodhur nga mungesa e gjumit apo puna e gjatë vendosni dy tamponë pambuku më ujë trëndafili poshtë syve për disa minuta. Kjo do i bëjë ato të ndihen më mirë dhe fryrjet të zhduken.

Për të hequr makeup-in.

Uji i trëndafilit shërben edhe për të larguar makeup-in nga fytyra. Miksoni 2 lugë ujë trëndafili dhe një lugë vaj kokosi ose bajame dhe aplikojeni në lëkurë për të larguar makeup-in. Më pas fshijeni atë me një peshqir të pastër.

Si një fiksues makeup-i dhe freskues për fytyrën.

Pasi keni përfunduar grimin spërkasni pak ujë trëndafili në fytyrë për ta mbajtur atë të freskët dhe makeup-i të qëndrojë më gjatë

Për hidratimin e lëkurës.

Uji i trëndafilit shërben për të mbajtur një lëkurë të shëndetshme, me shkëlqim dhe të hidratuar. Kur të vendosni kremin në lëkurë merrni dhe disa pika ujë trëndafili. Kjo do të bëjë që kremi të përthithet menjëherë nga lëkura dhe ajo të qëndrojë e hidratuar më gjatë.

Më poshtë po iu tregojmë edhe si të përgatisim ujë trëndafili;

Përbërësit janë  petale trëndafili, ujë i distiluar dhe një shishe qelqi.

Përgatitja;Marrim petalet i hedhim në një kullese dhe i pastrojmë me ujë të bollshëm. Më pas i kalojmë në një tenxhere ku vendosim në fund një tas përmbys. Më vonë i mbulojmë petalet me ujin e distiluar dhe sipër vendosim dhe një tas tjetër, i vendosim kapakun tenxheres dhe sipër kapakut vendosim qese me kuba akulli që të përshpejtojmë procesin. I lëmë përafërsisht 20 minuta,më pas i heqim i lëmë të ftohen, largojmë petalet dhe e kullojmë ujin në një shishe qelqi të sterilizuar me anë të një nape të pastër. Shishen e vendosim në frigorifer që mos të largohen vlerat.





Lajmet e fundit nga