web counter
LEXO PA REKLAMA!

SHKARKO APP

App Store
Google Play

E fundit!

x

Vetëvrasja e 19-vjeçares në Fier/ Dalin në dritë detaje të reja, ja si ndodhi ngjarja

8 Korrik 2017, 17:36, Aktualitet CNA

Pasi 19-vjeçarja nga Fieri i dha fund jetës së saj duke u hedhur nga kati i pestë i pallatit ku banonte, është zbardhur edhe dëshmia e personit me të cilin ajo bashkëjetonte, Artur Çala.

Sipas policisë, në momentet e para të shoqërimit për në komisariat, Çala ishte në një gjendje të rënduar psikologjike dhe në fillim nuk arriti të fliste. Por më pas ai ka thënë se kishin konflikte si çdo çoft normal dhe se ajo qante prej disa ditësh por nuk i tregonte arsyen.

?Ne kishim rrallëherë debate, si çdo çift. Nuk kemi pasur sherre. Unë e doja dhe mendoj se më donte. Kishte disa ditë që e shihja që qante, por nuk më tregonte pse qante. Nuk e di pse e ka bërë. Po të isha aty, nuk do ta lejoja, por ka ikur në fshehtësi. Jam shumë i lënduar?, është shprehur Çala para oficerëve të policisë.

Safete Bega dyshohet se është vetëhedhur nga kati i tetë dje në orën 02:10 të së premtes, në lagjen ?Apollonia? të Fierit.

Bazuar edhe në dëshminë e 38- vjeçarit, çifti ka darkuar si çdo natë dhe kanë qenë duke ndjekur programe të ndryshme në televizor. Në momentin e hedhjes së 19- vjeçares, Çala ndodhej në kuzhinë ku po ndiqte televizor, kurse vajza ka kryer aktin nga dritarja e dhomës së gjumit.
Ai ka dëshmuar se e dashura e tij, pasi ka shkuar në dhomën e gjumit, ka mbyllur derën me çelës nga brenda. Disa minuta më pas, ai ka shkuar për ta kontrolluar, por ka gjetur derën të mbyllur dhe pas kësaj ka nisur që të shqetësohet. Burimet tregojnë se ai ka thirrur disa herë, por kur ka dëgjuar zhurmë, ka kërkuar ndihmë te fqinjët, të cilët kanë gjetur dhe trupin e pajetë në sheshin para pallatit.
Policia ka mbërritur bashkë me ambulancën, por 19- vjeçarja, sipas mjekëve, ka ndërruar jetë menjëherë pasi ka rënë./CityNews 





Lajmet e fundit nga