web counter
LEXO PA REKLAMA!

SHKARKO APP

App Store
Google Play

Avokati pranë Ramës kujton 2 korrikun/Jep një mesazh për demokratët: Historia do u japë vendin e nderit

2 Korrik 2017, 12:58, Aktualitet CNA

Nga Spartak NGJELA

Dy korriku i vitit 1990 është dhe do të mbetet një ditë e shënuar.

Në këtë ditë, rinia shqiptare dhe demokratët e formuar, i dhanë historisë së Shqipërisë shenjën krenare se shoqëria shqiptare, jo vetëm që e refuzon me përçmim diktaturën komuniste në Shqipëri, por ajo, me gjithë persekucionin makabër hoxhist antiperëndimor mbi shpinë, deklaroi hapur me gjest se është me frymëzim dhe aspiratë perëndimore. Ata u derdhën me guxim: të gjithë drejt Perëndimit.

Deri tani kjo ditë ose nuk është kujtuar, ose është sfumuar me qëllim nga ata që morrën pushtetin, jo nga forca e tyre por nga frika e Ramiz Alisë, të cilit 2 korriku i vitit 1990 i kujtoi tragjedinë e Çausheskut në Bukuresht.

2 korriku është akti i madh shqiptar kur rinia dhe demokratët shqiptare i thanë Alisë dhe terrorit komunist në Shqipëri që, ose ndrysho, ose hap Shqipërinë, ose tërhiqu butë nga pushteti- ose do të përfundosh edhe ti si Nekolae Çaushesku.

Të gjithë ata që bënë këtë akt të madh, kurrë të mos dyshojnë që historia nuk do t’iu japë vendin e nderit të merituar kombëtar.

Gëzuar festën e 2 korrikut!/CityNews





Lajmet e fundit nga