web counter
LEXO PA REKLAMA!

SHKARKO APP

App Store
Google Play

E fundit!

x

“Shkrin” Lulzim Basha/ Jep një mesazh dhe zbulon klientin më të rëndësishëm të Ramës

2 Korrik 2017, 12:39, Aktualitet CNA

Kryetari i ngrirë i Partisë Demokratike, duket se ka ?shkrirë? nnga vetëngrirja e tij dhe ka reaguar për herë të parë pas kaq ditësh, ku emri i tij është më i lakuari për humbjen dhe dëmin që i shkaktoi Partisë Demokratike.

Lulzim Basha më në fund reagoi, por jo për të dhënë dorëheqjen. Në një postim në rrjetet sociale, Basha ka komentuar përleshjen e djeshme mes Policisë Bashkiake për lulishten te ish Parku i Autobusëve, të cilën Veliaj ia ka dhënë Besnik Sulajt, klientit të rëndësishëm të Ramës.

Postimi i plotë:

Lulishtja pranë parkut të autobuzave ishte një nga investimet e mia si kryebashkiak në shërbim të qytetarëve të një prej zonave më të populluara të Tiranës. Erjon Veliaj, vegël e bindur në duart e oligarkisë që sundon vendin, e shkatërroi këto ditë lulishten dhe lejoi betonizimin e saj në favor të Besnik Sulajt, klientit të rëndësishëm të Edi Ramës.

Qytetarëve të revoltuar ata iu përgjigjën dje me dhunën e policisë. Edhe më i rëndë qe dhunimi i të drejtave të qytetarëve nga mediat kryesore të vendit të kontrolluara nga oligarkia, të cilat e fshehën protestën dhe dhunën e policisë.

Ndërkohë, Shqipëria po përjeton këto ditë mungesë dritash dhe uji sepse paratë publike u përdorën për të manipuluar votën dhe jo për të blerë energji për njerëzit.

Pushteti oligarkik herët a vonë degjeneron në pushtet të dhunës dhe të errësirës. Përballja me të është sot sfida kryesore e opozitës dhe e të gjithë njerëzve të ndershëm për të ndalur rrënimin e qyteteve, të ekonomisë dhe të ardhmes tonë./CityNews





Lajmet e fundit nga