web counter
LEXO PA REKLAMA!

SHKARKO APP

App Store
Google Play

E fundit!

x

Basha urdhëron sulmin ndaj Ristanit/Sharësit e kunatit, akuza Sekretarit të Përgjithshëm

2 Korrik 2017, 10:19, Aktualitet CNA

Lulzim Basha po shkërmoq ditë pas dite Partinë Demokratike, me vendimin e tij për të mos dhënë dorëheqje pas humbjes katastrofike që pësoi në zgjedhjet e 25 qershorit.

Mbështetësit kryesor në PD, por edhe figura mjaft të rëndësishme dhe me peshë në këtë forcë politike, kanë dalë publikisht kundër Bashës, duke kërkuar dorëheqjen e tij, si rruga e vetme për të shpëtuar partinë e dytë më të madhe në vend nga shpartallimi i vërtetë.

Kundër Lulzim Bashës doli dhe krahu i tij i djathtë në PD, Sekretari i Përgjithshëm, Arben Ristani. Duke marrë përgjegjësinë totale për rezultatin katastrofik të PD në zgjedhje, Ristani kritikoi ashpër vendimin e Bashës për ngrirje të funksionit të kryetarit, duke e quajtur këtë një vendim jo statutor dhe pa përmbajtje.

Menjëherë pas qëndrimin të tij, Arben Ristani është futur në ?listën e zezë? të kundërshtarëve të Lulzim Bashës, me të cilët merret më tej kunati i tij. Ky i fundit, përmes zyrës së strukturuar që vepron në katin e dytë të selisë së PD, ka nisur sulmet dhe ndaj Ristanit, ashtu si ndaj çdo kundërshtari tjetër të kreut demokrat.

CityNews ka raportuar prej kohësh për këtë zyrë në selinë blu, ku janë të punësuar 30 të rinj, të cilët përdoren për të sharë e sulmuar të gjithë ata që dalin kundër Lulzim Bashës.

Zyra kontrollohet nga kunati i Bashës dhe familjarë të tjerë të kreut të PD, ku të rinjtë përdoren për të hedhur lum akuzash, sharjesh e fyerjesh ndaj të gjithë kundërshtarëve të Bashës. Pas qëndrimit kritik ndaj Bashës, nuk iu ka shpëtuar këtyre sulmeve as Ristani, në rrjetin social të së cilës kanë vërshuar një sërë fyerjesh e sulmesh.

CityNews raportoi pak më parë për një prej sharësve të Bashës, që përdorte foton e vajzës së Arben Malajt në profil dhe që shante me një gjuhë banale kundërshtarët e Bashës.

Komentet, që CityNews i sjell sërish, janë bërë në profilin e Arben Ristanit, ndaj të cilit tashmë kanë nisur sulmet e drejtpërdrejta.

CityNews ka bërë një investigim të plotë për të zbuluar të tjera detaje mbi këtë zyrë antiligjore, që funksionon në selinë blu, si dhe mbi të rinjtë që përdoren mizorisht nga kunati i Bashës, duke u fshehur pas personave publikë. Gjithashtu, CityNews iu njofton se do të zbulojë kush është deputeti i Bashës që fshihet pas këtij skandali./CityNews

CityNews zbulon skandalin/Sharësi i Bashës i vjedh foton vajzës së Arben Malajt





Lajmet e fundit nga