web counter
LEXO PA REKLAMA!

SHKARKO APP

App Store
Google Play

Prej 5 muajsh në kërkim/ Arrestohen të rinjtë, emrat

2 Korrik 2017, 09:09, Aktualitet CNA

Policia e Vlorës ka arrestuar dy të rinj, të cilët prej kohësh ishin në kërkim. Nga njoftimi i policisë mësohet se shtetasit e prangosur janë Paris Sulejmani, 30 vjeç dhe Olsi Koceli, 28 vjeç.

Ata ishin të shpallur në kërkim me vendim gjykate me masë sigurie arrest me burg, por policia nuk ka mundur të bjerë në gjurmët e tyre deri ditën e djeshme.

Ata janë arrestuar teksa po hanin darkë në ambientet e një lokali në zonën e Ujit të Ftohtë në Vlorë, pasi policia u ka gjetur armë pa leje, e më pas është zbuluar se ata ishin edhe të shpallur në kërkim prej 5 muajsh.

Sulejmani në shkurt të këtij viti ka tentuar të vras me armë duke plagosur Arlind Lulushin, ndërsa Koceli ka qenka qenë në kërkim për kultivim e trafikim të lëndëve narkotike.

Njoftimi i plotë i policisë:

?Më datë 02.07.2017, rreth orës 03:20, në lagjen “Ujë i Ftohtë, në kuadër të kontrolleve të ushtruara në ambientet e një lokali, janë konstatuar dy shtetas të cilët nga kontrolli fizik i secilit prej tyre, u janë gjetur në trup 2 armë zjarri Pistoletë të llojit “TT” (pa leje).

Policia ka bërë arrestimin në flagrancë të shtetasve:

1- Paris Sulejmani, 30 vjeç, banues në Vlorë.

2- Olsi Koçeli, 28 vjeç, banues në Vlorë.

Nga hetimet e kryera, ka rezultuar se këta shtetas rezultojnë të dy persona të shpallur në kërkim dhe me masë sigurie “Arrest në burg” për veprat penale:

“Vrasje me dashje, e mbetur në tentativë” dhe “Prodhim dhe mbajtje pa leje të armëve luftarake dhe municioneve”, parashikuar nga nenet 76, 22 dhe 278 të Kodit Penal, në ngarkim të shtetasit Paris Sulejmani.

“Plagosja e rëndë nga pakujdesia” dhe “Prodhim dhe mbajtje pa leje të armëve luftarake dhe municioneve”, parashikuar nga nenet 91, 22 dhe 278 të Kodit Penal, në ngarkim të shtetasit Olsi Koçeli.

Në lidhje me operacionin “Summer 2017”, Policia ka referuar materialet në Prokurori në ngarkim të tyre, për veprën penale “Prodhimi dhe mbajtja pa leje e armëve luftarake dhe municioneve” parashikuar nga neni 278 i Kodit Penal.?/CityNews





Lajmet e fundit nga