web counter
LEXO PA REKLAMA!

SHKARKO APP

App Store
Google Play

 Shpërthen Shpëtim Idrizi/ Sulmon ashpër PS-në dhe PD-në

14 Maj 2017, 08:41, Aktualitet CNA

Kryetari i Partisë Drejtësi, Integrim dhe Unitet, Shpëtim Idrizi, ka publikuar të vërtetën e faktit që dy forcat e mëdha politike të vendit, PS-PD, nuk e nënshkruajnë marrëveshjen e ?paqes? politike por preferojnë të jenë në konflikt permanent.

Gjatë një takimi me Forumin e Gruas të PDIU-së në Fier, me fokus mbajtjen e zgjedhjeve të 18 qershorit, Idrizi ka artikuluar duke mos i kursyer tonet e ashpra.

? Unë jam i bindur që dy forcat politike nuk duan të bëjnë marrëveshje. Ato duan ta mbajnë këtë vend në konfliktualitet. Duan që të na ndajnë në tifoz dhe harrojmë që ne jemi të gjithë shqiptarë. Konfliktualiteti është instaluar prej njëyetë e shtatë vitësh në politikën shqiptare, në mënyrë që qytetarët, që ju zonjat e nderura, të mos kuptoni cilat janë hallet, të mos kuptoni cili është roli i politikës. Roli i politikës është arti i kompromisit, arti i marrëveshjes dhe jo arti i konfliktualitetit. Shqipëtarët nuk kanë pse të shkojnë në 18 qershor thjesht për të votuar, por duhen bërë zgjedhje, të ushtrojnë demokracinë një herë në katër vjet?Nëse do uleshin drejtueset e forumeve të grave, patjetër që do ta shmangnin konfiktualitetin politik që ka mbërthyer Shqipërinë. Unë jam i bindur që siç ju gratë dini të mirëmbani me gjithë forcën e dashurisë tuaj familjen, po me atë dashuri ju do të dini të mbroni atdheun, sepse ju jeni të parat që mendoni se ne kemi veç një familje, vec një Atdhe. Prania e gruas në politikën shqiptare do të ndryshojë këtë lloj konfliktualiteti. Unë i ftoj të gjitha gratë të mos i rrinë larg politikës, ndryshe politika do të vijë në shtëpitë tuaja?, ka artikuluar Idrizi./City News





Lajmet e fundit nga