web counter
LEXO PA REKLAMA!

SHKARKO APP

App Store
Google Play

E rrallë/Treni ekspres përplaset me shtëpinë e shqiptarëve

14 Maj 2017, 08:22, Aktualitet CNA

Kanë shpëtuar për mrekulli dy emigrantë shqiptarë, kur dy vagona të trenit që doli nga shinat në afërsi të Selanikut u përplasën në banesën e tyre. Për fat, vagonat më përpara përshkuan një godinë të ndërmarrjes së hekuruadhave, dhe kjo ua preu hovin.

Duke ju referuar agjencisë zyrtare të lajmeve, ANA-MPA, gazetari me qendrim në Greqi, Robert Goro, njofton se të dy shqiptarët ndodheshin në shtëpi në momentin e aksidentit.

?I hutuar dhe me frikën të pikturuar në fytyrë, njeri prej dy të mbijetuarve deklaroi më pas se ai u tmerrua nga përplasja e vagonave me banesën dhe nga frika kërceu jashtë shtëpisë?, shkruan agjencia greke.

Treni ekspres i linjës Athinë-Selanik me shtatëdhjetë pasagjerë, doli nga shinat për arsye që ende nuk dihen. Ngjarja ndodhi në orët e vona të së shtunës, në vendin e quajtur Adedros, në afërsi të Selanikut.

Ndërmarrja e hekurudhave njoftoi paraditen e të dielës se dy persona kanë humbur jetën, ndërsa shtatë të tjerë janë plagosur dhe tre prej tyre ndodhen në gjendje të rëndë. Gjithsesi priten hetimet për ta zbardhur ngjarjen e rendë plotësisht dhe të përcaktohen shkaqet e vërteta të këtij aksidenti të rrallë. /CityNews





Lajmet e fundit nga