web counter
LEXO PA REKLAMA!

SHKARKO APP

App Store
Google Play

E fundit!

x

Kadare i përulet Vlahutin/Ja letra

10 Maj 2017, 16:09, Aktualitet CNA

Shkrimtari Ismail Kadare i është drejtuar me një letër personale ambasadores së BE në vendin tonë, Romana Vlahutin, pas shkrimit të ashpër të gazetarit Kastriot Myftarajt.

Ky i fundit u arrestua në orët e vona të mbrëmjes së kaluar nga policia, ndërsa u la sot i lirë pas urdhrit të Prokurorisë.

Kadare i drejtohet deri në përulje ambasadores, duke thënë se është tronditur nga shkrimi i gazetarit Myftaraj.

Ja letra e shkrimtarit:

E nderuara Zonjë,
Më lejoni t?ju drejtohem me këtë letër krejtësisht personale, për tronditjen që më shkaktoi sot fyerja e paskrupullt që u bë publikisht kundër jush në shtypin shqiptar.
Nuk është fjala për të sqaruar këtu se ç?është fyerja e një njeriu jo normal dhe se sa pak lidhje ka ajo me një popull e një shoqëri të tërë. Megjithatë ajo fyerje u botua nga shtypi i vendit tim, kështu që në një mënyrë ose një tjetër na vuri para përgjegjësisë të gjithëve.
Ndonëse shkrimtar i njohur, nuk marr përsipër të përgjigjem për ato çka mund të ndodhin në këtë vend, për mirë apo për keq. Do të doja thjesht të ndaja me ju pikëllimin që mund të ndiejë njeriu, i cili, në vendin ku vjen të ndihmojë për kapërcimin e brengave, ndeshet me një mosmirënjohje të tillë.
E dashur Romana Vlahutin, do të isha gati t?ju kërkoja ndjesë në gjunjë, për t?ju siguruar se mirënjohja për ju është e do të jetë e pacënueshme./CityNews
Ismail Kadare
Paris, 10 maj 2017





Lajmet e fundit nga