E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Sulmi mbi Kuvendin maqedonas/ Ministria e Brendëshme shkarkon pesë punonjës

10 Maj 2017, 15:24, Aktualitet CNA

Në reagim të ngjarjes së rendë të sulmit mbi Kuvendin e Maqedonisë, Ministria e Punëve të Brendshme ka vendosur për shkarkimet e para të punonjësve të saj, lidhur rolin e tyre mbi ngjarjet e 27 prillit në Kuvend.

Pezullimi, siç mëson ?Alsat M?, përfshinë të paktën pesë persona, mes tyre eprorë dhe inspektorë, të cilët kishin rol direkt mbi mosveprimin e tyre në ambientet e Kuvendit, gjatë ngjarjeve të përgjakshme. Sipas ?Alsat M?, këto masa janë marrë nga Kontrolli i Brendshëm, ndërkohë që propozimi i Ministrit të Brendshëm përfshinte edhe shkarkimin e drejtorit të Byrosë së Sigurimit Publik (BSP), Mitko Çavkov, që është shtyrë për mbledhjen tjetër.

?Në rrethanat aktuale dihet se Qeveria nuk do ta shkarkojë drejtorin e BSP-së dhe ky do të vazhdojë të ushtrojë detyrën deri në zgjedhjen e Qeverisë së re. Ka edhe një rrethanë tjetër e cila nuk përmendet në ligjin e policisë. Sikur Prokurori Publik ndaj drejtorit të BSP-së të inicionte procedurë penale, atëherë kjo do t?i jepte mundësi ministrit të Brendshëm të suspendojë nga detyra drejtorin e BSP-së?, ka thënë profesori Qebir Avziu.

Në Ministrinë e Punëve të Brendshme është formuar një grup pune, i cili në bazë të raportit të Kontrollit të Brendshëm do të veprojë edhe me shkarkim-emërimet nga radhët e eprorëve. Lidhur me këtë ligji për polici kompetenca të plota i garanton ministrit të Brendshëm.

Siç mëson Alsat nga burime brenda MPB-së, ndër të parët nga eprorët pozita e të cilëve vihet në pikëpyetje është Mitko Peshov, drejtues i njësitit të veçantë dhe njësisë speciale, njëkohësisht nip i drejtorit të BSP-së Mitko Çavkov. Pas ngjarjeve të 27 prillit në Kuvend, një ditë më pas ministri i Brendshëm Agim Nuhiu shkarkoi nga Shtabi operativ Mitko Çavkovin me pretekstin se nuk ka qenë në krye të detyrës natën kur u sulmuan dhunshëm deputetët e shumicës së re dhe në vendin e tij emëroi Goranço Savovskin./ CityNews