web counter
LEXO PA REKLAMA!

SHKARKO APP

App Store
Google Play

E fundit!

x

I gjithë Ballkani në krizë/Kush e trazon rajonin?

10 Maj 2017, 13:45, Aktualitet CNA

Sot iu bashkua krizës politike dhe zgjedhjeve edhe shteti i dytë më i madh i shqiptarëve në Ballkan.

Pas një beteje politike të opozitës në Shqipëri dhe futjes së vendit në një spirale krize, ku Partia Demokratike dhe aleatët e saj nuk pranojnë të hyjnë në zgjedhje pa qeveri teknike, shenjën sot e dha dhe Kosova.

Sot në Kosovë u rrëzua qeveria, atje do ketë fushatë elektorale dhe zgjedhje. Demarkacioni, pra vija e kufirit me Malin e Zi, është ?molla e sherrit?. Politikanët kosovarë sot kanë vendosur ta çojnë vendin në zgjedhje.

Në Shqipëri zgjedhjet janë të firmosura më 18 qershor, por opozita refuzon të hyjë dhe pretendon se nuk ka garanci.

Në Maqedoni prej më shumë se një viti ka një krizë të tejzgjatur politike. Shteti i tretë ku shqiptarët përfaqësohen me rreth 30% të popullsisë së tyre. Atje VMRO-DPMN e Gruevskit fitoi me një mandat më shumë, por shqiptarët u bashkuan me social-demokratët e LSDM të Zaev, por me zgjedhjen e kreut të Kuvendit pati dhunë dhe destabilitet. Maqedonia është shumë e trazuar. Kosova sot është pa qeveri. Shqipëria është e turbullt. Në tre shtete ku jetojnë shqiptarët shpesh flitet për destabilitet. Ka akuza të ashpra politike dhe qëndrime të forta nga palët.

Shqiptarët kudo në rajon janë të përçarë, nuk munden dot të gjejnë gjuhën e tyre. Flakë e zjarr kundër njëri-tjetrit dhe trojet e tyre janë të gatshëm t?i djegin, kush më shumë e kush më pak, për të rrëmbyer karrigen e pushtetit.

Një Ballkan që duket i trazuar në të tre shtetet ku jetojnë shqiptarët, në shtetin amë që është Shqipëria, në Kosovë dhe Maqedoni. Nuk ka stabilitet politik, palët nuk merren vesh, por pasojat janë mbi shqiptarët.

Në Shqipëri ka filluar të rritet kriminaliteti, vrasje mafioze, ekonomia pritet të rrudhet, turizmi po merr goditje të fortë.

Në Maqedoni bandat hyjnë në Parlament, rrahin deputetë, kreun e një partie shqiptare, Ziadin Sela.
Në Kosovë palët po akuzojnë njëri-tjetrin për tradhti.

Kudo ku ndodhen shqiptarët ka diçka që nuk shkon. Duket sikur një dorë e fshehtë nga pas i lëviz të gjithë. Në pak javë, në Ballkan rikthehet zv/ndihmës sekretari amerikan i shtetit, kongresmenë amerikanë vijnë dhe ikin, diplomatë të rangjeve më të larta të Bashkimit Evropian shkojnë në Kosovë, Maqedoni dhe Shqipëri, duke tentuar t?iu japin një zgjidhje krizave dhe turbullirave të vazhdueshme politike.

Kudo ku ka hqiptarë ka një situatë kritike dhe mjaft delikate, që ende nuk po zgjidhet nga vetë shqiptarët. Fatkeqësisht tani faktorët kanë filluar të mos dëgjojnë më as ndërkombëtarët. Ku po shkojnë shqiptarët në tre shtetet e tyre, ku ata jetojnë dhe kush po i trazon? Një dorë e padukshme që askush nuk e ka identifikuar, por jemi përballë një fakti të padiskutueshëm, kudo ku ka shqiptarë ka një situatë të nderë dhe të turbullt. Ndërkohë, as ndërkombëtarët nuk po nxjerrin gjë në dritë./CityNews





Lajmet e fundit nga