Kriza Politike/Aleati i Bashës pret në zyrë deputetin gjerman

10 Maj 2017, 11:54, Aktualitet CNA

Kryetari i Partisë Ambientaliste Agrare, Agron Duka, njëkohësisht edhe aleati i Bashës ka pritur ditën e sotme në zyrë Deputeti i Bundestagut Gjerman zoti Andreas Lämmel

Deputeti i Bundestagut Gjerman zoti Andreas Lämmel, i cili ndodhet për një vizitë zyrtare në vendin tone, me kërkesë të tij zhvilloi një takim me kryetarin z. Duka dhe më pas edhe me kyesinë e PAA. Gjatë takimit z. Lämmel kërkoi të njihej me qëndrimin që ka PAA në lidhje me krizën politikën në vend dhe se cilat janë janë zgjidhjes sipas saj. Sa i përket kësaj çështje z. Duka i bëri me dije homologut të tij gjerman se situata nuk është ashtu siç mund të perceptohet nga jashtë. Sipas tij janë një sërë faktorësh që nga krimi, droga trafiqet dhe lidhjet e qeverisë me to që e bëjnë të papranueshme zhvillimin e zgjedhjeve nga kjo qeveri. Po ashtu z. Duka tha se pavarësisht gjithçkaje PAA edhe opozita në tërësi ka qënë për dialog.

Ne jemi të gatshëm që të negociojmë në mënyrë institucionale me pozitivitet për zgjidhjen e situatës. Dhe natyrisht siç e patë edhe nga ambienti këtu dhe nga takimet e mëparshme të gjithë luten që të gjendet mënyra që të negociohet në mënyrë që kjo situatë jo normale të kthehet në normalitet, të shtyhen zgjedhjet, të shtrohen kërkesa konkrete të cilat ne duhet ti bashkërendojmë mes opozitës. Por edhe nëse thirremi për negociata, gjithmonë zyrtare, ne jemi të gatshëm që edhe si PAA të jemi pjesëmarrës në këto negociata.

Deputeti i bundestagutr gjerman z. Lämmel në diskutimin e tij tha se pavarësisht të drejtës së protestës që është pjesë e të drejtës kushtuese e pacënueshme, është edhe integrimi i vendit. Sipas tij duhet kuptuar se Gjermania shprehet në BE pas votës që merr në bundestag ndaj ai duhet të bindet se situata këtu ka përmirësime, por pavarësisht krizës politike në vend deputeti Lämmel u shpreh se është një çështje që nuk e kishte kuptuar, faktin pse kultivimi i drogës doli jashtëkontrollit

Ju mund të organizoni protesta, nuk është kjo çështja. Është një e drejtë e garantuar me kushtetutë. Mund të protestohet çdo ditë ose dy herë në ditë. Por për Partinë Demoktratike nuk është mirë që të bojkotohet ose bllokohet procesi i integrimit. Që të mos prishim rrugën pozitive të Shqipërisë që ka bërë vitet e fundit nga tensionimi i proceseve politike. Por çfarë nuk kam kuptuar këto ditë është çështja ose pyetja për kanabizimin, pse kjo situatë ka dalë jashtë kontrollit. Për fermerët e kuptoj që është interesante apo atraktive por çfarë bën shteti dhe si mund të dilet nga situatë.

Për këtë çështje sekretari politik i PAA Marko Bello shprehu qëndrimin se situata e kanabisit nuk ka dalë jashtë kontrollit, por është nën kontroll, madje kjo veprimtari kriminale ka edhe mbështetjen e policisë, kryeministrit dhe ish ministrit të brendshëm. Sekretari i Përgjithshëm Genc Juka i përmendi z. Lämmel faktin se bëhet fjalë për rreth 100 mijë hektarë, rreth ¼ e tokës bujqësore është e kultivuar me bimë narkotike dhe se të ardhurat nga kjo veprimtari janë sa dy herë buxheti i shtetit.

Në këtë takim me z. Lämmel u fol edhe për ogramin e PAA, grupet e saj të interesit dhe organizimin e saj. Duke vlerësuar PAA-në z. Lämmel u shpreh se habitej se si Agrarët dhe Ambientalistët në Shqipëri shkojnë mirë, pasi në Gjermani janë kundërshtarë.

Dua ta them sinqerisht se nuk e dija që në këtë koalicion ka kaq shumë parti. Dje patëm një bisedë me një partner të koalicionit dhe sot me ju. Dhe siç thashë Partia Agrare Ambientaliste është një hap para nga Gjermania sepse tek ne politikanët agrarë dhe ata ambientaliste nuk shkojnë mirë me njëri-tjetrin.

Në këtë takim z. Lämmel ishte i shoqëruar edhe nga drejtuesi i fonadacionit Konrad Adenauer Stiftung, z. Walter Glos. Andreas Lämmel është deputet i CDU-së në Bundestagun Gjerman./CityNews