web counter
LEXO PA REKLAMA!

SHKARKO APP

App Store
Google Play

E fundit!

x

Nëse paraqitet në Kuvend, Albin Kurti, do të arrestohet

10 Maj 2017, 09:18, Aktualitet CNA

Policia e Kosovës ka pohuar se ka urdhër për ta arrestuar Albin Kurtin dhe nëse ky do të paraqitet në seancën e sotme plenare të Kuvendit, ku po diskurohet mocioni i mosbesimit për qeverinë Mustafa, do të zbatojë vendimin e arrestimit të tij.

Pohimi i policisë raportohet nga portali kosovar Kallxo.com, që i referohet zëdhënësit të Policisë së Kosovës Bajram Krasniqi. ?Policia do ta vlerësojë situatën se a do të arrestohet Kurti gjatë ditës së sotme nëse shihet në Kuvend?. Por këtë ndërdyshje të Krasniqit e mbush një tjetër burim institucional i cituar nga po i njejti portal. “Burime të Gjykatës Themelore në Prishtinë i thanë Kallxo.com se urdhërarresti për Albin Kurtin është gjithëpërfshirës dhe ai mund të arrestohet në çdo moment. Të dhenat e para nga Kuvendi pohojnë se deri tani deputeti i VeteVendosjes, Albin Kurti, nuk është prezent në sallën e Kuvendit, megjithse zëdhënësi i ?VetëVendosjes?, Shkodran Hoti, ka thenë më parë se Kurti do të merrte pjesë në mbledhjen e Kuvendit, në lidhje me mocionin e mosbesimit.

?Kurti ka me qenë në Kuvend të paktën kështu ka thënë, por nuk e di, nuk jam i informuar nëse ka arritur në ambientet e Kuvendit?, ka artikuluar Hoti, ndërsa i  pyetur se ku aktualisht ndodhet, ka shtuar : ?Nëpër Prishtinë, nuk ka ku të shkojë, s?ka çka të mbajë fshehtë?.

Urdhër-arrestin për Albin Kurtin e lëshoi gjyqtari Beqir Kalludra më 21 prill, pasi Kurti nuk mori pjesë në seancën e gjykimit për lotsjellësin në Kuvend, ku akuzohen bashkë me të edhe tre deputetë tjerë të ?Vetëvendosjes?./CityNews





Lajmet e fundit nga