web counter
LEXO PA REKLAMA!

SHKARKO APP

App Store
Google Play

Sot, fati qeverisë së Kosovës në dorë të deputetëve të PDK

10 Maj 2017, 08:05, Aktualitet CNA

Dita e sotme është vendimtare për të fatin e Qeverisë së Kosovës të kryesuar me Isa Mustafën.  Kjo, pasi  në seancën e sotme parlamentare, do të hidhen për diskutim dy “bomba”.

I pari është mocioni i mosbesimit që 40 deputetë kanë paraqitur për ta detyruar Kryeministrin të japë dorëheqjen, dhe së dyti, hedhja për votim e projektligjit që përcakton ndarjen e vijës kufitare të Kosovës me Maalin e Zi. Kjo e fundit njihet masivisht si “Marrëveshja e Demarkacionit” dhe është  një nga projektligjet që një vit më parë e ndezi flakë Kuvendin nga përdorimi i bombave me gaz lotësjellës që deputetë të VV hodhën brenda saj.

Ndërkohë që pas një vonese një vjeçare “Demarkacioni” sillet sërish i ripunuar, pjesa dërmuese e deputetëve, por edhe e analistëve e politologëve vendas parashikojnë që qeveria Mustafa të rrëzohet që me mocionin e mosbesimit. Megjithatë vendimtare për t’ja arritur kësaj janë votat e PDK-së pasi opozita nuk i disponon 61 votat e duhura për miratimin e mocionit.

Edhe pse kryesues i PDK-së është Kadri Veseli, kryetari i Parlamentit, përsëri nuk besohet se votat e deputetëve të kësaj force politike do të jenë unike “pro” mosrrëzimit të qeverisë. Madje disa prej tyre kanë dalë hapur në deklarim të votës “pro” rrëzimit. Megjithatë nuk dihet ende një qëndrim i prerë edhe pas dy takimeve që kryetari Veseli ka mbajtur dje në mbrëmje dhe sot në mëngjes herët, disa orë para nisjes së seancës plenare, me deputetët e grupit parlamentar dhe Këshillin Drejtues të PDK. Këto janët vendimtare që përcaktojnë fatin e qeverisë Mustafa, që realisht është në dorë të votave plus të deputetëve të PDK-së, bashkëkoalicioniste me të në qeverisje. /CityNews





Lajmet e fundit nga